2017年9月28日 星期四

生前最後訪問 秘密男伴曝光 馬清儀:過吓優閒生活 [壹週刊 - 1438] __,馬清儀,M1,

生前對感情事一向低調的馬清儀,早前同四眼男去淺水灣放狗時,態度親暱。探熱針生前最後訪問 秘密男伴曝光 馬清儀:過吓優閒生活85年健美小姐冠軍馬清儀,本 ...






生前對感情事一向低調的馬清儀,早前同四眼男去淺水灣放狗時,態度親暱。

探熱針

生前最後訪問 秘密男伴曝光 馬清儀:過吓優閒生活

85年健美小姐冠軍馬清儀,本月七日因癌症在嘉諾撒醫院病逝,並已於十八日出殯,終年 64歲,月前本刊仍拍得馬清儀精神奕奕在淺水灣放狗,僅僅三個月卻已離開人世。

當時馬清儀更接受本刊訪問談及近況,當時精神仍不俗的她表示現時生活是:「做吓運動,帶吓狗呀,過吓啲優閒生活。」而感情生活一向低調的她,早前孖住一名四眼男去公園放狗,兩人又拖又攬,態度親暱。

放狗過日辰

奪得健美小姐後,馬清儀加入無綫拍劇,專做有錢闊太和巴渣角色,自九十年代中就再沒有幕前演出,近年深居簡出的她,已甚少公開露面。本刊近月頻頻見到馬清儀在淺水灣附近放狗,今年七月馬清儀湊住三隻狗仔,同友人行商場,見她著住一身運動服,無論身材、樣貌都 keep得好 fit,仲一路行一路雞啄唔斷,好好中氣。

而三個月前,馬清儀更一次過帶晒八隻狗仔出街,其間見到本刊記者,亦大方接受訪問:「我都冇咩同你哋講都係差唔多做吓運動,帶吓狗呀,過吓啲優閒生活,同啲狗做吓 excercise,行吓山囉。」之後仲風騷問記者:「你影啲相靚唔靚㗎?」被問到會否復出拍劇,馬清儀就話:「好辛苦㗎!而家唔拍喇,休息吓喇!冇乜精神。」





行行吓,馬清儀捉住四眼男手臂。





去到公園人少少,四眼男主角拖住馬清儀手。





四眼男做埋攝影師,幫馬清儀同狗仔影相。





其間有外籍女士行過撩狗仔玩,馬清儀仲停低吹水。





有傳馬清儀曾經同無綫高層趙崇文拍過拖,之後男方中風重病,馬清儀亦不離不棄。

又拖又攬

一向低調處理感情事的馬清儀,入行以來甚少緋聞,只被爆過同無綫高層趙崇文拍拖,當時有傳趙崇文曾中風,要搵氣功師傅治療,但當時馬清儀對他仍不離不棄,後來感情無疾而終。

其實早前本刊亦拍得馬清儀孖住一名高高大大的四眼男去放狗,兩人帶住八隻狗仔去公園,身後仲有三名工人幫手湊狗,沿路馬清儀更邊行邊繑實四眼男,態度親暱。行到去公園,男方又主動拖實馬清儀,同狗仔玩足大半粒鐘,兩人折返商場,沿路男方一直搭住馬清儀膊頭。去到一間狗仔用品店,馬清儀抱住狗仔不停擺 pose,四眼男就做攝影師幫她影相。逗留半個鐘,一行人坐七人車返歸。

不過記者問到男伴身份,馬清儀就非常避忌,不停擰頭話:「唔係……唔係!」但一提到狗仔,佢就一輪嘴話:「係呀八隻!有啲狗仔陪吓我,自己會開心啲嘅!佢哋陪我吖嘛。」





行到攰,四眼男仲主動幫她孭袋,好細心。





連日來四眼男都陪住馬清儀放狗。





一口氣養八隻狗仔,馬清儀絕對係一名狗癡。





出身名門的馬清儀家底豐厚,身邊總有工人跟身幫手湊狗。





最近一次見她只是兩個月前,馬清儀相約友人行商場,其間仲雞啄唔斷,好好中氣。

奪冠惹風波

85年無綫趁勢舉辦《健美小姐》選舉,富家女馬清儀奪冠引起軒然大波,事關人人睇好 18歲中韓美女林河廷,及 17歲嘅甜心港女劉美娟,最終二人卻大熱倒灶,由馬清偉胞姊馬清儀爆冷贏得冠軍,奪得亞軍的韓日混血兒大熱門林河廷,賽後炮轟無綫「造馬」,並上演一幕林河廷大熱倒灶拒絕吻賀的畫面,其後更拒絕領獎放棄名銜,要由劉美娟及何美婷補上亞、季軍。





當年馬清儀以爆冷姿態奪冠,事後被質疑造馬。





熱愛運動的馬清儀,操得一副 fit爆 body。

有米健美小姐

六十四歲的馬清儀, 85年參選無綫第一屆健美小姐,當年憑 32歲高齡揮低一班後生女奪冠軍,馬清儀出身名門望族,家底豐厚,為大生銀行創辦人已故銀行家、地產商馬錦燦女兒,馬清偉胞姊。

入行後,馬清儀曾做過節目主持,拍過電影電視劇,更與周星馳及劉青雲合作過劇集《孖仔孖心肝》,不時飾演有錢闊太,甘於做小角色過日辰,代表作包括無綫長壽劇《真情》飾演謝天華阿媽,其後於娛樂圈銷聲匿跡,曾與無綫高層趙崇文傳出緋聞。





著起性感裙,馬清儀上圍極之有睇頭。





在無綫長壽劇《真情》中,馬清儀飾演謝天華阿媽。





無論古裝定時裝,馬清儀都專做巴辣角色。





馬清儀放下貴族身段,唔介意扮鬼扮馬,甚至做醜角。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...