2018年8月10日 星期五

【動畫】被指偽君子唔養孫 陳榮峻:關我哋老人家乜事 __,陳榮峻,

■陳榮峻上月再婚娶吳香倫,長子陳穎霖及孫仔都有前往觀禮。
■陳榮峻上月再婚娶吳香倫,長子陳穎霖及孫仔都有前往觀禮。金牌綠葉陳榮峻上月10日再婚,不過在結婚當日,《蘋果》收到一封匿名信,斥責陳榮峻是「偽君子」。 ...


金牌綠葉陳榮峻上月10日再婚,不過在結婚當日,《蘋果》收到一封匿名信,斥責陳榮峻是「偽君子」。信中指陳榮峻長子陳穎霖年輕時與一名未成年女子育有一子,但婚後不足一年分居,孫仔最初由陳榮峻太太鄭安麗照顧,但太太於10年去世後,陳榮峻將當時約5歲的孫仔交予何姓外婆照顧,何婆婆當年忙於進修神學課程,但仍答應照顧。



■陳榮峻與吳香倫早前到歐洲坐郵輪度蜜月,不時網上放閃。互聯網圖片 ■陳榮峻與吳香倫早前到歐洲坐郵輪度蜜月,不時網上放閃。互聯網圖片
■陳榮峻育有兩子一女,曾與細仔阿聰(左)一同受訪。電視圖片

■陳榮峻育有兩子一女,曾與細仔阿聰(左)一同受訪。電視圖片

官判零贍養費

爆料人續稱,陳榮峻最初都有每月給予一千元生活費,但付了一年多就停止。爆料人慨嘆:「婆婆住土瓜灣公屋,佢(陳榮峻)就住馬鞍山獨立屋地下,又有錢成日出埠旅行,但就一蚊都唔肯去負責,係咪過橋抽板!」

《蘋果》致電陳榮峻,他承認兒子與前妻已離婚,但並非未成年結婚。他說:「當年我太太走咗,一個男人,我點教,又要返工。所以交畀婆婆湊,咁婆婆係要返學,所以太婆都有幫手湊。」有否給予贍養費?陳榮峻表示:「佢哋當初分開,女方冇要求任何嘢,近年佢(大仔前妻)想攞番撫養權,法庭方面都判咗,係零贍養費,所以都唔可以怪我個仔,我個仔𠵱家另外都有頭家。」



付學費至中一

陳榮峻稱多年來都有為孫仔支付學費:「我畀到佢六年班,仲有每月一千蚊。大仔前妻好似喺孫仔三年班攞番撫養權,但我都有畀孫仔小學開學買書簿、校服同過年買衫錢,係到佢中一之後就冇畀。」陳榮峻自言與孫仔的外婆關係良好,現仍稱呼對方為親家:「結婚當日,孫仔婆婆同太婆都有嚟飲,如果關係唔好點會嚟。」對這宗家事,陳榮峻嘆謂:「我經濟都OK,但講實話,關我哋老人家乜事吖!」

採訪:嵐山




鍾意就快D Share啦!
Related Posts Plugin for WordPress, Blogger...