現年55歲黃德斌和39歲圈外女友Joyce Wong拍拖17年，其間屢傳婚訊，不過遭黃德斌否認，更表示希望事業有成兼儲夠彈藥才向女友求婚。黃德斌離開無綫後發展不俗，於是他兌現承諾，日前入紙婚姻註冊處登記結婚，結束17年愛情長跑。
| | |
「到時想跪就跪」
準新郎黃德斌昨日接受《蘋果》訪問，對於今次婚禮安排，他坦言：「唔擺酒啦，同屋企人食餐飯，唔使擇日，我好簡單，一切從簡，低調處理，多謝關心。」問到一生人一次，為何不考慮大排筵席？黃德斌笑着說：「點解要大排筵席，我哋兩個人嘅事。」
再問到求婚詳情？黃德斌說：「冇呀，結婚囉，咁咪結婚囉，大家一齊咁多年，冇需要話點，買隻戒指仔囉，哈哈哈。」被問到送上幾多卡鑽戒？他保持神秘說：「唔講啦呢啲，有冇跪地求婚，嗰日先哈哈，到時想跪就跪。」記者笑稱他的女友認真好，不需要跪地求婚都肯嫁，黃德斌得戚說：「係呀，如果唔係做乜嘢娶佢，哈哈！」黃德斌還說不知道女友有否感動流淚，笑稱：「可能佢匿埋喊，點會喊畀我睇！」
嫌生B責任大
至於生BB計劃，黃德斌坦言：「冇喎，你估結婚就結婚，生BB責任好大㗎，暫時冇計劃。」老人家有否心急抱孫？他則說：「冇啦，都咁多年，唔係仲要催嘛。」
採訪：皓騫
攝影：陳慧安
|
鍾意就快D Share啦！
|
|
|
