2018年9月28日 星期五

【買餸煮飯笑料百出】關智斌原來係堅離地 張致恒成個住家好男人 __,張致恒,關智斌,

上次講到關智斌撈到風生水起買埋樓,最近仲學人落廚煮兩味,化身ChefKenny被fans大讚無得彈,搞到張致恒好似望塵莫及。不過,表面嘢嚟啫,現實生活 ...




上次講到關智斌撈到風生水起買埋樓,最近仲學人落廚煮兩味,化身Chef Kenny被fans大讚無得彈,搞到張致恒好似望塵莫及。不過,表面嘢嚟啫,現實生活中Kenny咪一樣堅離地,反而Steven先似返個正常人。

為準備Boy’z首個演唱會,關智斌、張致恒再度同居,更學人做KOL拍片upload上網。最新作品係CHEF BOY’Z,學人街市買餸再返歸下廚,但期間就將Kenny離地一面表露無遺。

街市--海鮮檔

Kenny:「有無大蝦賣呀?我要三隻吖。」

Steven:「我第一次見人逐隻蝦買。」

Kenny:「我要半隻魷魚。」

Steven:「半隻?」

Kenny:「我一陣要生勾勾切佢(魷魚)呀?」

Steven:「我睇你一陣點搞。」

街市--菜檔

Kenny:「我想買蒜頭、辣椒,仲有茄膏。」

Steven:「茄膏呢度無架。」

Kenny:「係咩?」

Kenny買餸笑料百出,或者只係平時叫人買所以唔識啫,返到屋企落廚就唔同晒架喇。事實又係咪咁呢?

家中廚房--蜆吐沙

Steven:「你知唔知蜆要吐沙架?」

Kenny:「點吐沙?」

Steven:「你洗完後逐隻攞開,然後吹佢入面,佢就會吐沙出嚟。」

Kenny:「喂!佢個殼唔開嘅?係咪煮咗先開架?」

Steven:「梗係煮咗先開啦。」

Kenny:「咁點吐呀?」

Steven:「你試下吹兩下。」

Kenny:「用口咁樣吹呀?」

Steven:「係呀。哈哈哈哈。仲話自己煮嘢食,吐沙係拎個兜裝住,然後倒鹽落去浸一陣佢就會吐沙架喇。」

Kenny:「咁你頭先唔講!吹咗先講。」

家中廚房--洗魷魚

Kenny:「呢個魷魚點洗呀?」

Steven:「你平時點洗手咪點洗佢囉。洗完後將佢個頭扯出嚟。」

Kenny:「你扯啦。」

Steven:「佢呢度有膽、有墨水。」

Kenny:「係咪唔要架?咦!點解有膠條嘅?」

Steven:「呢條係佢軟骨嚟架Kenny!」

Kenny:「咩呀!膠條嚟架喎,係咪呀!軟骨點會係咁樣呀,係咪海鮮檔攝入去架?」

Steven:「你切魷魚啦關智斌,唔好再咁樣喇,你俾人笑死喇。」

雖然關智斌堅離地,但又真係好好笑嘅,加上佢不時都有啲嫵媚嬌俏嘅表情冧死人,最後又真係整得出一味色香味俱全嘅蕃茄海鮮湯,算佢啦。至於張致恒原來咁貼地,三杯雞隨手整得出,令人認識到不一樣嘅佢,加分!

「我細個喺雞檔長大,聞住啲雞屎大。」──張致恒

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!
Related Posts Plugin for WordPress, Blogger...