2018年11月28日 星期三

【《蘋果》專訪】19歲入行未做過女主角 吳浣儀﹕有得做就得 __,蘋果,

吳浣儀經常演媽媽角色,但從不抱怨,因為真心喜歡演戲。(無綫電視截圖)
演戲演足近半個世紀,但從來未做過主角,有人會抱怨「點解唔係我」?62歲嘅吳浣儀卻「認命」,自知天生面圓圓,個樣生得惡同巴渣。19歲初入行就被選中演《朱 ...


演戲演足近半個世紀,但從來未做過主角,有人會抱怨「點解唔係我」?



62歲嘅吳浣儀卻「認命」,自知天生面圓圓,個樣生得惡同巴渣。19歲初入行就被選中演《朱門怨》嘅三少奶,34歲在《孖仔孖心肝》中做劉青雲同周星馳嘅阿媽。吳浣儀日前在尖沙咀接受《蘋果》專訪,表示從不介意演媽媽角色﹕「我個樣生得成熟,唔介意,有得我做就得。以前星仔話『你大我8年,點做我阿媽呀?』我話『是但啦,我一路都做人阿媽㗎』其實星仔仲大過青雲兩年,咪又係做青雲細佬。」



最後部劇好成功,浣儀姐覺得星仔應記一功,佢話﹕「好多戲係佢即場改,改埋你嗰份。我哋冇分前輩後輩,最重要搞好件事,觀眾出嚟鍾意。以前啲劇個底好,執少少就得。但現在成個劇本都冇得搞,咪算囉,照做囉,我聽佢哋(TVB人)講,哈哈。」



浣儀姐坦言今時今日好少睇電視劇,佢笑笑口話﹕「我冇睇呀,sorry,睇唔落,有次唔好講邊套啦,因為自己老友喺度做(演),我捧吓場,但睇咗一場就唔好意思熄咗機。」如今會挑選好劇本,即使只有幾場戲亦在所不計,佢話﹕「我仲係好鍾意演戲,後生真係為搵食,現在仔女都大,我就可以選擇,一、兩日戲都唔緊要,最重要有得發揮。」



2015年憑《五個小孩的校長》嫻姨一角,入圍《金像獎》最佳女配角;今年再拍由梁家樹監製嘅網劇《蝕日風暴》飾演儍姑一角,令佢過足戲癮。浣儀姐話﹕「睇劇本,個角色儍得嚟係正常嘅,我都唔知佢幾時正常、幾時儍,咁就帶動一宗謀殺案,係儍姑見到許紹雄被人殺咗,但又講啲唔講啲,引導Chilam去追查。雖然戲份唔多,但角色有用,唔係坐喺度唔知做乜。」佢話導演給予好大自由度,可以設計造型,令角色更立體﹕「我喺街見到人化濃妝,深藍色眼蓋,恤行個頭,你睇到佢行徑係有啲唔正常,我就話不如用呢個啦。坦白講,現在真係唔喜歡拍電視劇,太流水作業,一味快,畀意見都話你唔好搞咁多嘢喇,快啲搞掂收工。但拍電影或網劇,分分鐘都係錢,佢哋都想度好個角色。」



採訪﹕嵐山

攝影﹕陳俊強

場地提供﹕Teppanyaki Kaika (The ONE)



精選娛聞,喺晒《娛果》

http://fb.com/appledailyent



吳浣儀經常演媽媽角色,但從不抱怨,因為真心喜歡演戲。(無綫電視截圖) 吳浣儀現在半退休,可以選擇自己喜歡的角色。(攝影﹕陳俊強) 吳浣儀現在半退休,可以選擇自己喜歡的角色。(攝影﹕陳俊強)
浣儀姐坦言現在好少看電視劇,反而喜歡看卡通片。

浣儀姐坦言現在好少看電視劇,反而喜歡看卡通片。
吳浣儀初出道演出《朱門怨》嘅三少奶,當年只有19歲,但演技已獲讚賞。(無綫電視截圖)

吳浣儀初出道演出《朱門怨》嘅三少奶,當年只有19歲,但演技已獲讚賞。(無綫電視截圖)
因為目睹一宗謀殺案,成為破案關鍵。(《蝕日風暴》劇照)

因為目睹一宗謀殺案,成為破案關鍵。(《蝕日風暴》劇照)
吳浣儀憑《五個小孩的校長》中嫻姨一角,入圍《金像獎》最佳女配角。

吳浣儀憑《五個小孩的校長》中嫻姨一角,入圍《金像獎》最佳女配角。

鍾意就快D Share啦!
Related Posts Plugin for WordPress, Blogger...