恭喜董敏莉B女出生26號董敏莉38歲生日，咁啱同一日佢囡囡出世，兩母女同一日生日，其實喺因為佢專登揀喺自己生日開刀，希望嚟緊可以同囡囡一齊慶祝生日。
今年就38歲嘅佢作為高齡產婦，陀B就更要加配小心啦，但老公似乎唔係好識Do喎！
早排《壹》仔見到兩公婆出街，董敏莉著住長裙，用恤衫遮住個肚，顯得個肚無咁大。兩公婆全程好多偈傾，但董敏莉咁一手插袋一手拎住個袋行，好似有啲危險喎。行咗咁耐，老公都無拖實董敏莉，大肚婆要睇緊啲先得架嘛。佢地仲咁啱撞到衛詩雅，Monie即刻過去搵佢吹水，兩個女人見面立刻傾唔停啊，臨走詩雅都摸一摸佢個肚。
過多兩個月《壹》仔又撞到董敏莉，但今次佢自己一個行街，無老公陪。已經大肚8個月嘅佢個肚明顯大咗好多，就連身型都脹咗啊！火速行完街，佢竟然選擇逼地鐵返屋企，地鐵咁逼唔坐低好危險架嘛，所以一有位佢就坐低，之後就返番黃埔花園屋企。 其實之前產檢，佢發現自己有子宮肌腫，開刀都有危險性，而家阿女健康出世，相信董敏莉一定全副心機放落囡囡到，唔再自己Shopping
來源 source: http://nextplus.nextmedia.com
|
鍾意就快D Share啦！
|
|
|
