掃呢頁CODE去手機

2018年11月28日 星期三

【《蘋果》專訪】吳浣儀寧願做嚴母 四子女港大畢業 __,蘋果,

四名港大畢業的子女,吳浣儀可說老懷安慰。(受訪者提供)
吳浣儀曾兩度離開無綫,直認以前好任性,佢話﹕「拍完《朱門怨》叫做紅咗,但無端端又搵番你做reception、伙記,條氣唔順,又拍緊拖,之後去咗佳視(佳 ...


吳浣儀曾兩度離開無綫,直認以前好任性,佢話﹕「拍完《朱門怨》叫做紅咗,但無端端又搵番你做reception、伙記,條氣唔順,又拍緊拖,之後去咗佳視(佳藝電視)做到佢執笠。咁當時男友,即老公就話不如結婚啦,咪結囉。」



24歲結婚後,吳浣儀育有三女一子,除照顧子女,仲與老公一齊打理旅行社,直至87年重返無綫拍《真情》,之後又因亞視高薪挖角所以離開。可惜好景不常,丈夫不幸患肺癌,數年間令家財幾乎盡散,吳浣儀要問朋友借錢度日,除鮑起靜,還有羅蘭借出20萬元解困,佢話﹕「因為醫個病使好多錢,當年真係連樓都抵押埋,最細個仔得12歲,女又未出身,冇一條數係清清楚楚。」



唯苦過,方知甜。如今吳浣儀可以享清福喇,因為四名子女均學有所成,四個都喺香港大學畢業,浣儀姐一臉自豪話﹕「大女做社工,二女揸飛機,7月剛升做機長喇(微微一笑),三女讀獸醫,四仔就係電訊公司做,職位都幾ok啦。」而二女仲生咗個得意囝囝,浣儀姐一提起孫仔就好開心﹕「幾醒目,工人話有婆婆演戲細胞,好多表情,見人唱歌又學你唱,哈哈哈。」



問到係咪一位稱職媽媽?浣儀姐嘴角一笑﹕「呢樣唔使諗,一定係!老婆唔敢講,因為我唔識煮嘢食,老公叻我好多。」浣儀姐話多年來拍劇,日夜癲倒,但無論幾忙都會督促子女讀書,佢話﹕「冇人鍾意讀書,所以真係要自細逼。成個小學我睇㗎,我拍嘢都會搖控,默書就用錄音機錄晒,叫佢哋撳出嚟聽住默,同佢哋講我拍完幾夜都會返嚟睇。我係幾惡嘅人,係嚴母,好臭脾氣,現在收晒火。」



有四名孝順子女,浣儀姐現在可以安享晚年,所以「做又得,唔做又得」,佢話﹕「夠使咪得囉,每人畀啲,發仔(周潤發)話齋撻住15蚊人字拖都幾舒服呀。」不過,當記者問浣儀姐攞四名子女合照,佢都好尊重子女話﹕「佢哋細個讀書唔鍾意我去接返學放學,因為媽咪演戲,問你都算,仲問埋媽咪啲同事,講多兩句就唔鍾意。但讀到大學,全部同學仔都知,明白呢個係職業。」



採訪﹕嵐山

攝影﹕陳俊強

場地提供﹕Teppanyaki Kaika (The ONE)



精選娛聞,喺晒《娛果》

http://fb.com/appledailyent



四名港大畢業的子女,吳浣儀可說老懷安慰。(受訪者提供) 吳浣儀曾兩度離開無綫。(攝影﹕陳俊強) 吳浣儀曾兩度離開無綫。(攝影﹕陳俊強)
二女兒在今年7月升任做飛機師。(受訪者提供)

二女兒在今年7月升任做飛機師。(受訪者提供)
二女兒誕下一子,浣儀姐閒時弄孫之樂。 (受訪者提供)

二女兒誕下一子,浣儀姐閒時弄孫之樂。 (受訪者提供)
吳浣儀的丈夫患癌離世後,浣儀姐獨力養大子女。(受訪者提供)

吳浣儀的丈夫患癌離世後,浣儀姐獨力養大子女。(受訪者提供)
浣儀姐自言是嚴母,幾忙都會督促子女讀書。(受訪者提供)

浣儀姐自言是嚴母,幾忙都會督促子女讀書。(受訪者提供)
兒子畢業,一家人影大合照。(上左起)三女、孻子, (下左起)吳浣儀、二女、大女。(受訪者提供)

兒子畢業,一家人影大合照。(上左起)三女、孻子, (下左起)吳浣儀、二女、大女。(受訪者提供)
吳浣儀一提孫仔就好開心。 (受訪者提供)

吳浣儀一提孫仔就好開心。 (受訪者提供)
閒時仲會同狗狗一齊行沙灘,生活寫意。(受訪者提供)

閒時仲會同狗狗一齊行沙灘,生活寫意。(受訪者提供)
吳浣儀在亞視年代曾陷經濟,幸得鮑起靜和羅蘭出手解困。(資料圖片)

吳浣儀在亞視年代曾陷經濟,幸得鮑起靜和羅蘭出手解困。(資料圖片)
羅蘭姐曾借出20萬,令吳浣儀永記恩情。(資料圖片)

羅蘭姐曾借出20萬,令吳浣儀永記恩情。(資料圖片)

鍾意就快D Share啦!