2019年1月30日 星期三

謝天華:周家蔚想生豬女 謝天華幫手度期:最遲4月 __,周家蔚,謝天華,

藝人謝天華為周家蔚及劉永健主持的ViuTV節目《友枱VIP》擔任嘉賓,首次亮相ViuTV的天華笑言來負責食:「我叫家蔚整白松露配花膠,佢話整雞酒花膠好 ...


藝人謝天華為周家蔚及劉永健主持的ViuTV節目《友枱VIP》擔任嘉賓,首次亮相ViuTV的天華笑言來負責食:「我叫家蔚整白松露配花膠,佢話整雞酒花膠好唔好,我話冇問題嘅。」問到兩人可會乘機傾下湊仔經?天華表示一定會:「大家又係生咗兩個,佢個大仔前幾日6歲,我個大仔都4歲。」家蔚問天華大仔有冇蝦妹妹?天華謂:「我不停叫佢錫個妹,由細到大培養佢,成日同佢講一定要同個妹講good morning同錫佢。(佢知唔知自己有個妹?)唔理佢知唔知,要培養佢成為一個習慣。(佢會唔會呷個妹醋?)少少啦,有時我同個囡傾唔夠一分鐘,佢就已經叫我陪番佢玩,但明明我啱啱先同佢玩完嚟,小朋友實有呢啲嘅,尋日同佢掟公仔,都叫佢送個畀妹妹。」

問到天華和家蔚可會追多個?天華即推個波畀家蔚:「暫時最急切追多個好似係天明。」講到家蔚老爺洪金寶話希望每個仔女都生3個,家蔚即笑言:「係咩?咁即係畀壓力我啦,不過生豬女都幾好嘅。」講到想生豬女現時就要「開工」,天華即笑言:「最遲應該4月都得。」家蔚笑言:「咁都仲有時間。」天華又講笑謂:「叫天明到時4月唔好接嘢做,成個月留喺屋企。」家蔚就謂:「佢依家搏殺期邊會呀。」家蔚又透露頸部近日生濕疹:「幾年一次咁嚴重,因為香港太潮濕,記得十幾年前選港姐都係咁,唔慣個天氣,當時一化完妝就甩皮甩到抹咗成個妝再化過,但嚴重一輪就會冇事。」而劉永健就表示節目還未拍完,正與嘉賓蔡一傑及羅家英度期,預計新年後就會完成拍攝。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...