超儀近日為美國影評人之選大獎做頒獎嘉賓，超儀話自己好興奮同好榮幸可以親手頒獎俾電影《羅馬》嘅導演。呢次美國行，老公陳子聰都有陪佢出席，結婚16年，兩個都係形影不離。
早排《壹》仔見到兩公婆食飯，同場仲有關之琳舊情人黃家諾同另一位朋友。而家腸病好返晒嘅陳子聰紮起長髮，好有型，仲有啲鬼佬Feel添啊。而超儀就無化妝，望落有啲蒼白。四個人有講有笑，傾得好開心，期間黃家諾不斷Show自己電話嘅相俾其他人睇，睇真啲，佢Show嘅全部都係風景相同酒店相，睇嚟係推薦緊好地方俾超儀佢哋。不過《壹》仔留意到當黃家諾要近睇電話時，就要除低眼鏡，睇嚟今年50歲嘅佢已經有老花問題啦。
聚完舊，超儀就去排隊換禮品，過咗陣陳子聰拎住一大袋漢堡包返嚟企埋一邊等超儀。見超儀排得咁悶，佢仲好窩心咁過去餵超儀食條薯條，然後自己就企埋一邊開餐。等到超儀搞掂，佢就即刻衝過去幫老婆拎野。兩個之間咁有默契，難怪結婚16年都咁Sweet
來源 source: http://nextplus.nextmedia.com
|
鍾意就快D Share啦！
|
|
|
