2019年5月8日 星期三

【令杜汶澤鞠躬認錯】拍電影可以去到幾盡﹖32E程美段:我做嘅嘢尺度好大 __,杜汶澤,程美段,

程:Hello大家好,我係Kiwi程美段壹:講吓成長經歷?程:小時候父母都要出外工作,通常自己一個喺屋企,不過會放低零用錢,一係自己煮嘢食,一係落街買 ...




程:Hello大家好,我係Kiwi程美段

壹:講吓成長經歷?

程:小時候父母都要出外工作,通常自己一個喺屋企,不過會放低零用錢,一係自己煮嘢食,一係落街買,基本上出入屋企、返學放學都係自己一個人,對比起同齡嘅小朋友,我都算係自由度比較大,但呢個都係無可奈何嘅事,因為父母都無時間照顧我,所以自己性格都比較倔強獨立,同時鍾意寧靜同埋一個人

壹:有冇兄弟姊妹?

程:無,得我自己一個

壹:點解會選擇經選美入行?

程:其實自己唔覺得係選美幫助我入行,本身都無入行呢個念頭,而參加選美都係誤打誤撞,純粹玩票性質,因為有朋友鼓勵叫我試吓。其實選美比賽對於入行,我覺得無直接關係

壹:覺得參加選美後自己有咩得着?

程:多一個經驗,同埋識到一班女仔朋友,我覺得係一個好好嘅體驗,因為期間都會提供好多訓練,例如教導禮儀、行catwalk

壹:選美之後多咗模特兒工作?

程:其實選美之後唔會多咗工作,同模特兒工作都無乜關係,大家都知道我當時有接一啲兼職模特兒工作,或者promoter工作,其實都係睇你自己肯唔肯去做,會唔會主動去搵,然後去應徵嗰啲工作。其實入行係因為《美女廚房》

壹:當年點樣獲得《美女廚房》呢份工作?

程:當時有公開面試,好難得可以入圍,參加呢個節目,不過大家都知道,拍咗幾集之後就無咗下文,因為當時都好忙,最初拍呢個節目嘅時候,無諗過要花咁多時間,當時有好多面試或者其他事情要處理,可能監製都見到我好忙

壹:電視台方面無提出簽約?

程:無

壹:對性感有咩睇法?

程:我唔抗拒大家覺得我性感,因為對於一位女性嚟講,性感係一個讚美,一個好好嘅象徵,我唔會抗拒呢件事

壹:願唔願意接受一啲尺度比較大嘅電影?

程:其實我一向以嚟嘅工作,喺觀眾眼中都會覺得尺度比較大

壹:本身有冇底線?

程:底線就係三點不露

壹:拍攝《美女廚房》時,覺得自己表現如何?

程:盡自己努力去表現,因為有一大班女仔,大家都想表現得好啲,行內術語就係「搵食」,埋位時係咪影到你,或者見唔見到你,自己都要遷就鏡頭「搵食」

壹:會唔會出現爭鏡頭情況?

程:自己無特別覺得,無留意到呢樣嘢,但係你要留意到鏡頭位置,點樣可以令自己入鏡。因為有時候可能靈魂唔喺度分咗心,就會少咗啲出鏡機會

壹:《美女廚房》幫助你人氣急升?

程:一定有幫助,大家搵番我嘅profile,都會見到入行經過係《美女廚房》嘅美女學徒,從而去接觸呢一行

壹:之後無得再做會唔會覺得好可惜?

程:我覺得無話可惜嘅,至少都係一個經驗,可能當時無得再拍,但之後會有唔同嘅工作;如果當時繼續拍,又未必會有之後發生嘅事情,因為往後事情好難講得定,可能失去呢樣嘢又會得到另一樣嘢

壹:杜生出面道歉,嗰一刻有咩感覺?

程:對呢件事嘅感覺、睇法,包括內心世界,其實之前喺自己社交平台都有充分交代,同埋出咗一啲聲明去回應,我覺得已經好足夠

壹:有冇終於被平反嘅感覺?

程:都已經過去,至少事情已經平息咗,我覺得對大家都係一件好事

壹:如果俾你重新嚟過,你會點樣去處理呢件事?

程:呢個問題好假設性,的確有再做好啲嘅空間。因為成件事好少問題,其實都可以避免,不過有時候有啲事情自己又控制唔到。可以講嘅之前都已經講晒

壹:將來有咩打算?

程:無好刻意去諗,自己要去到邊個位置,好多時都係隨緣隨心去行,只要自己覺得舒服,又做到喜歡嘅工作,我覺得最緊要機會嚟嘅時候要把握,同埋遇到新事物時要勇敢嘗試,唔好驚。因為好似我而家咁樣,可能大家見到我嘅作品,或者搵我嘅客戶,都係同性感形象有關嘅工作,但之後都多咗一啲主持工作,之前覺得自己無真正做過主持工作,擔心自己係咪應付到,以前做主持都係讀書時,喺學校做一啲頒獎禮、畢業禮之類。但正式嚟講又無呢個經驗,所以會好擔心,不過之後諗番,其實係咪應付到,係睇你做咗幾多準備,唔應該因為驚所以就避開,因為可能試過之後會學多咗,同埋會帶嚟更多發展機會

壹:除咗工作上,稍緊仲有咩計劃?

程:主要方向係想喺電影方面演戲

壹:有冇接觸過電影人?

程:有呀,唔多唔少都識到一啲從事電影行業嘅人,之前都有幾套電影接洽,不過好可惜當時推卻咗

壹:點解會推卸?

程:當時有某啲原因,可能因為角色,或者自己覺得劇本未係好理想,而家都接咗兩套電影


鍾意就快D Share啦!
Related Posts Plugin for WordPress, Blogger...