2019年5月31日 星期五

【爆大鑊3〡張子強頭馬出冊】張子強叫放過兩警察 葉繼歡一念棄惡即中槍 __,張子強,葉繼歡,

馬上成為壹會員會員專區只限會員閱讀會員註冊/登入陳:李生個仔件事,葉繼歡原本有份,點解唔見到佢呢?劉:呢個係最佳組合,喺當時社會同江湖上嚟講,但臨行動 ...


馬上成為壹會員
會員專區 只限會員閱讀


陳:李生個仔件事,葉繼歡原本有份,點解唔見到佢呢?

劉:呢個係最佳組合,喺當時社會同江湖上嚟講,但臨行動前一晚,佢哋偷渡上碼頭時,被兩名巡警截查,因為佢哋唔可以被警方查身份證,所有人即時掹槍指住兩位警察,當時已經將警察繳械。但為咗一念之仁,當時放咗佢哋走,當時張子強繼歡都話畀佢哋走啦,佢哋只係打份工啫,已經繳械,對自己無威脅,所以就畀佢哋離開。

陳:即係張子強在場?

劉:在場。

陳:呢個從來無人知,我而家先知道。

劉:點知兩個警察返轉頭執返支槍喺好遠距離開槍,葉繼歡中槍被捕,所以就參與唔到事件。

陳:我想知道軍火同炸藥點樣運嚟?

劉:一部分喺大陸,就係呢單案作第三被告,佢負責運啲槍枝 搵子彈催淚彈,其他嗰啲微衝、 AK、 嗰樽炸藥就係我同其他人傾番嚟。

陳:我知道當時炸藥數量有好多。

劉:我哋要求一噸,但嚟咗八百幾公斤,都接近一噸。

陳:有八百公斤炸藥,二千支雷管。你哋係咪諗住去救葉繼歡?

劉:呢啲最基本嘢一定要準備好,係必時之需,唔通買番嚟玩咩,攞嚟燒煙花咩。當然係有大計劃啦,你話係咪救葉繼歡呢,就唔係咁方便講喇,呢啲事已經過去咗。

入獄17年,現年68歲的劉鼎勳自言為所做一切,感到十分後悔。

陳:如果張子強同埋你,而家仲係逍遙法外,你有咩睇法?

劉:我睇都唔可能,尤其而家科技愈嚟愈發達,法治愈嚟愈透明,唔好話咁大件事,就算犯咗小案件而家都走唔甩。所以我喺順便呼籲一下,嚟緊的青年人,我哋下一代,希望佢哋珍惜而家我哋喺法治安全既地方生活

,要奉公守法。

立即下載APP,精彩內容壹手掌握

下載連結: http://bit.ly/Next29App

如對會員訂閱制有預到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!
Related Posts Plugin for WordPress, Blogger...