熱爆娛樂: 【何嘉莉生3件仍fit到漏】曾靠試管懷孕後流產 8週胎突無心跳沮喪大哭 _

2019年5月31日星期五

【何嘉莉生3件仍fit到漏】曾靠試管懷孕後流產 8週胎突無心跳沮喪大哭 __,何嘉莉,

馬上成為壹會員

會員專區只限會員閱讀

現年38歲嘅何嘉莉，6、7年內生咗三個小朋友，帳面上睇好似都幾生得，但其實佢都經歷過靠試管嬰兒成功著床，但最後都係流產嘅慘痛經歷。

何嘉莉2015年再婚，婚後急於同現任飛機師丈夫造人，本來佢覺得自己都生咗個仔，再生應該無咩難度，點知試咗年幾個肚都無聲氣，於是去做試管嬰兒，打針、食藥搞一輪都只係抽到10粒卵左右，但啱quality嘅得3、4粒，變到胚胎嘅更只得1、2粒，最後又唔能夠喺母體內成功生長，令何嘉莉相當唔甘心。

一次唔得，試第二次。兩次唔得，試第三次。終於，成功著床，何嘉莉兩公婆開心到不得了，直到懷孕第6週聽到BB心跳，更加興奮。點知，第8、9週左右，突然無咗心跳，流產。何嘉莉話嗰次經歷呢真係好慘，係突然間流好多血，胚胎旁邊的細胞全部剝落，所以當時好崩潰，好失禮咁喺個診所忍唔住喊。

皇天不負有心人，何嘉莉最後分別喺2017、2019年生咗兩個小公主，老公亦錫到佢燶，一得閒就陪老婆shopping，又幫手睇住小朋友。

BTW，何嘉莉生第3胎前一個月，手腳一樣係好纖幼，正面睇其實都唔係好覺佢大肚，係則面睇先明顯少少腹部隆起。佗B都咁窈窕何況生完之後呢，生完不過3個月左右，早前《壹》仔見到佢單拖行街，仲係model般嘅身形，話佢未生過都有人信㗎！之後見佢去咗睇衫買衫，咁fit，隨手拎起一件都啱身又著到好睇啦。