2019年5月24日 星期五

泳兒:泳兒捱過失聲 誓開紅館騷圓中風母心願 __,泳兒,

泳兒即將喺東莞開騷。歌手泳兒希望圓母親心願,有朝一日能夠踏上紅館舞台開唱,她又寄語樂壇新一輩歌手,要嘗試發掘自己不同的興趣,為心靈尋找寄託,才不會擔驚 ...


泳兒即將喺東莞開騷。


歌手泳兒希望圓母親心願,有朝一日能夠踏上紅館舞台開唱,她又寄語樂壇新一輩歌手,要嘗試發掘自己不同的興趣,為心靈尋找寄託,才不會擔驚受怕。

泳兒將於6月22日在東莞舉行演唱會,命名為「重新感應」,因過去幾年她遭逢巨變,母親中風後她又失聲,連皮膚都爛晒,令她幾乎陷入抑鬱邊緣,今次重新站上舞台,她希望有個全新的狀態。每次開騷她都想有跳舞環節,但跳舞對她來說並非手到拿來的事,她說:「我係要不停苦練,我好羨慕一啲歌手喺台上嘅表演,快歌嘅肢體動作同唱歌一樣係天生,我天生唔算太差,但要靠後天將勤補拙。」東莞騷後,她希望可以繼續巡迴,並笑說:「我好鍾意走埠、旅遊,完全坐唔定,有得飛、坐車都好開心。」

盼媽咪病情有奇迹

雖然東莞好近香港,但她不會安排爹哋去撐場,因為父親目前全天候照顧中風的媽咪,她說:「佢一刻都唔可以離開媽咪,日日都會去療養院,風雨不改。」她最大心願是有朝一日踏上紅館開唱,這亦是母親的心願:「當初入行都係媽咪支持我,紅館有啲傷殘位置,如果我有咁嘅機會,希望到時佢可以嚟睇,就算佢未必知道我做緊乜,但佢嚟到短短時間,我已經好開心。」

眼見爹哋每日頻撲來回療養院,她揚言會努力工作,希望將來請個司機接送父親:「媽媽依家都算穩定,雖然醫生講過佢腦細胞好多都損壞咗,唔可以去番正常咁,佢最危險嗰時醫生話佢可能得番三個月時間,依家可以擘到眼,每個星期日都可以返屋企一陣,已經係最大感恩,我好希望會有奇迹。」

諗過轉行搵定後路

當日泳兒陷入失聲黑暗期,她坦言想過轉行及搵定後路:「以前會有人問我,同新嘅歌手有咩講?依家我會分享做歌手藝人要發掘自己嘅興趣,聲帶係我最珍貴財富,但真係冇人知邊日你會唱唔到,把聲係會隨年紀唔同,唔係話差,但係會改變,當暫時唱唔到,可以做其他嘢寄託吓,你個心情都會好啲。」

場地:富薈旺角酒店




來源 source: http://hk.on.cc
鍾意就快D Share啦!
Related Posts Plugin for WordPress, Blogger...