2019年6月20日 星期四

【首次合作】黃淑儀難忍ERROR拍嘢篤手機:領悟到幾多真係唔知 __,ERROR,黃淑儀,

 攝影:陳俊強
黃淑儀首次與ViuTV合作,製作她最擅長的烹飪飲食節目《CookingGiGi台灣篇》,早前她夥拍ERROR成員肥仔(梁業)與吳保錡到台灣拍攝。首次與 ...


黃淑儀首次與ViuTV合作,製作她最擅長的烹飪飲食節目《Cooking GiGi 台灣篇》,早前她夥拍ERROR成員肥仔(梁業)與吳保錡到台灣拍攝。首次與以騎呢搞怪見稱的ERROR合作,黃淑儀笑謂:「拍攝之前,我同自己講,要畀最大嘅容忍量畀佢哋。」



日前,黃淑儀(Gigi姐)、ERROR成員肥仔及ERROR成員保錡到觀塘受訪,為ViuTV的飲食烹飪節目宣傳。Gigi姐直言合作前冇聽過ERROR:「真係冇聽過,直到知道同佢哋合作做節目,大家都係新合作就要去睇下,我同自己講,要畀最大嘅容忍量畀佢哋。」身旁的保錡表示細細個已經是電視迷,所以真的認識Gigi姐的劇,他自爆首日開工與對方見面時,不敢與她交談。身旁的肥仔即附和說:「佢真係縮埋一嚿唔敢講嘢,我自己就冇事前起Gigi姐個底,我想親身去feel下。」記者找來Gigi姐當年拍過的幾套電視劇劇照考考他們,肥仔與保錡很快便認出《肥田囍事》及《廟街孖兄弟》,但看到Gigi姐首部電視劇《夢斷情天》及《書劍恩仇錄》的劇照時,保錡說:「咁似《還珠格格》嗰啲嘅?」Gigi姐即打圓場說:「呢啲非戰之罪,佢哋都未出世。」



保錡以「慈祥媽媽」來形容Gigi姐:「Gigi姐好肯同我哋溝通又肯教,你會好想聽佢講嘢。」肥仔覺得Gigi姐很理性為他們分析:「佢同你講啱或者錯嘅嘢,一定有佢道理,真係袋好多錢入你袋,平日點樣唔好失禮、餐桌禮儀都係Gigi姐教。」Gigi姐坦言攝製隊的形象很重要,她希望台灣朋友感到香港攝製隊是有禮:「初初最忍唔住係佢哋篤手機。我煮嘢嗰陣,佢兩個唔使喺度,但我都希望佢睇住,咁樣先食嗰時先可以講番個過程。初初佢哋唔知閃晒去邊又玩手機,領悟到幾多真係唔知。」經過這次的台灣之旅,她大讚兩個小朋友很努力:「佢哋都乖又肯學,到後尾仲有煮番嘢畀我食,好好呀,我會畀80分佢哋。」



問到Gigi姐拍攝過數輯烹飪節目,又有肥媽、鼎爺等星級主持,再加上這次是與ViuTV首次合作,於拍攝上有何不同?她說:「我有我風格,我會問清楚導演要咩程序,睇吓要預先準備乜嘢,去到邊度我都係咁做。有時,我以為好簡單、大家會明嘅嘢,原來都要示範,始終ViuTV嘅觀眾後生啲。我自己都有睇其他節目去參考,好似整沙律,我會放入個保鮮袋shake勻啲醬,都係睇外國節目學番嚟,基本上煮嘢食係各施各法,上海人同南方人煮嘢食已經唔同方法,冇話邊個手法啱定唔啱。」



廚藝了得的Gigi姐,曾想過開車仔麵檔:「我有朋友喺新加坡開麵檔,我都好恨好想開,但係我先生話又要自己買餸、又要煮、又要洗、又要收銀,仲要交租,真係搵自己笨,所以我都係請朋友返嚟食就算,我享受煮畀人食,見到佢哋話好味,我就好開心。」



採訪:盧妹

場地:Rent a Kitchen

服裝:Ice Fire(ERROR)



-----------------------------

你撐蘋果 我捐$1

支援反送中抗爭者



攝影:陳俊強 廚藝了得的Gigi姐,曾想過開車仔麵檔。 廚藝了得的Gigi姐,曾想過開車仔麵檔。
保錡以「慈祥媽媽」來形容Gigi姐。

保錡以「慈祥媽媽」來形容Gigi姐。
Gigi姐直言合作前冇聽過ERROR。

Gigi姐直言合作前冇聽過ERROR。
保錡表示細細個已經是電視迷。

保錡表示細細個已經是電視迷。
記者找來Gigi姐當年拍過的幾套電視劇劇照考考他們。

記者找來Gigi姐當年拍過的幾套電視劇劇照考考他們。

鍾意就快D Share啦!
Related Posts Plugin for WordPress, Blogger...