上星期，港府因強推《逃犯條例》修訂草案，最終變成警方出動布袋彈、催淚彈等對付示威者，其後更有反對修例的男子墮樓身亡。以扮一代巨星李小龍出名的陳國坤，繼在社交網上爆粗表示支持香港警察打暴徒，後再指墮樓男子被利用，結果陳國坤就被網民鬧爆：「想紅都用吓腦！」
翻查陳國坤的fb，一向愛國的他從本月12日起，便有一直留意着「反送中」的進展，而他亦分別轉發了警方打人以及被打的短片，並留言說：「梗係打X你啦，幾百人圍住啲警察你唔X放出嚟，onX！暴徒呀！」、「乜X嘢世界，黐X線，支持香港警察，和平抗議冇問題，但暴徒一個都唔好X放過」等，但就有網民留言表示：「爆晒缸嗰個聽聞係警察自己人打錯自己人」，對於有人墮樓身亡，陳也有留言說：「代表不顧家人感受，放棄關心你嘅人的愛、期望！我X唔信他們想你以死作代價………RIP，利用你的人希望他們早日與你相見」。
另外，陳國坤又轉發了一篇有關外國傳媒指香港人6.16遊行應獲諾貝爾和平獎的文章，並說：「唉，和平抗議係好事，但一日到黑，外國……外國，鬼佬養你哋咩，我DXXM我哋係香港人呀死鬼佬！假绅士，偽君子我都唔想太激進，但香港就係自由城市，我有我發言權，分乜X嘢红海jer……好自豪咩，原本救護車喺應該行70km/h 而家喺個紅海裏面行2、30km/h……救人呀！刻不容緩㗎………唉」不過此post，於今日傍晚時份，卻被陳國坤刪掉。
鬧了幾日，但昨日他就忽然轉發了一篇「請停止惡毒留言」的post，但就被網民留言鬧爆：「打記者你唔講？中信大廈你唔講？侵犯病人私隱你唔講？有冇親身去現場了解過定係純粹睇片面嘢就X噏呢？有冇睇多啲唔同渠道嘅新聞？想紅都要用吓腦」、「你裝甚麼持平客觀，憑甚麼要人以禮待你，你實際上只不過是一個指鹿為馬，助紂為虐的奸徒而已」、「嘩夠你惡毒？人哋一個後生仔落單俾6，7個暴警圍毆你夠膽死開po話人抵死抵打？」更有網民叫他不要侮辱李小龍：「李小龍分到正邪，分到強權定平民有理」。
被網民留言爆完一輪，今日陳國坤就在fb中指留言沒有用：「大家努力維護自由，而且又咁X團結……言論自由呀，我係X暴徒呀X頭，自己對號入座咁X蠢都有嘅！夠薑面對面X！留言冇X用㗎！」而他又轉發了李力持的post，內容大致是暗寸「反送中」口號易上口，簡單易明，反而林鄭對《逃犯修訂》的解釋「都唔知講咩」，不過鬧完一輪後，發現李力持的立場相當飄忽，皆因在文尾最後，他又突然辱罵建制派是「一篤屎，累人累物一無是處！」不過之後他又刪掉李力持的post。
-----------------------------
你撐蘋果 我捐$1
支援反送中抗爭者
|
鍾意就快D Share啦！
|
|
|
