全城熱爆的娛樂八封新聞 & 時事趣聞 & 生活 + 趣聞
王敏德同馬詩慧結婚廿年，兩夫婦喜好各異，平時甚少行孖咇，就算另一半俾人踢爆幫襯骨場用指定按摩女，一樣相安無事。
老婆信任，大曬！上星期三（二十四日），王敏德繼續做獨行俠，喺中環 ifc shopping完，行到攰見餓，差不多五點，坐定「隊」個 late tea，越式春卷，再整多份牛油雞翼，全程用手唔用叉，十分滋味。 王敏德喜歡打單泡，為人母嘅馬詩慧就花較多時間親子，兩女一仔，出街總有個喺隔籬；早個禮拜，已經十八歲嘅細女王麗嘉，陪媽咪行街，做孝順女。
去完 shopping坐低醫肚，王敏德春卷雞翼打孖上，好擦得！
母女孖咇行街，馬詩慧揀手袋，細女俾意見。
