掃呢頁CODE去手機

2013年5月2日 星期四

關淑怡淡妝精神!




同你吟一吟

關淑怡淡妝精神!

香港樂壇新不如舊,令一班上世紀歌手有機會食老本。自寶麗金唱片部重組,簽番舊將陳慧嫻,公司食住條水舉行《寶麗金 Forever Live音樂會》,上個禮拜三(四月二十四日)舉行記者會公布內容,關淑怡王馨平陳慧嫻湯寶如加埋李克勤幾位前寶系人都有出席。

當年四朵寶記小花,今時今日,關淑怡依然最 cool,同其他三人眼神交流都冇,記者會上只係黐實李克勤一個。關淑怡同性相拒性格如一,但早排《壹》仔撞到佢一個人經 ifc行去碼頭準備坐船返愉景灣,冇塞住耳仔聽歌,更冇扯番支煙先上船,當日只係化咗個淡妝,望落精神唔錯,見到鏡頭仲微微笑。

開完演唱會已經差不多三個月,關淑怡依然保持正常,真係還得神落。

由 ifc行去碼頭,沿途大把機會扯煙,但關淑怡冇半途癮起,奇跡!

行去邊都要聽歌,時時刻刻都要食煙,關淑怡呢個款,多到八珍都數唔曬!

同另外三朵寶記小花冇兩句,就連做訪問,關淑怡都只係黐實李克勤。

寶麗金重組開騷,可惜鄭嘉穎要喺內地吸金,冇機會同舊愛王馨平以及湯寶如一齊合唱《飛出戀愛街》。

撰文︰八珍

mailto:nextb@nextmedia.com


鍾意就快D Share啦!