網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月29日 星期三

博攞獎 頂 Isabella上《紅 Van》 薛凱琪床戰又南




去年轉會 Paco太陽娛樂文化做一姐嘅 Fiona,上半年主力在樂壇發展,上週三( 21日)喺商台拉濶搏盡演出,仲同林二汶大跳辣身舞激到爆。

真面目

博攞獎 頂 Isabella上《紅 Van》 薛凱琪床戰又南

改篇自高登網絡小說的電影《那夜淩晨,我坐上了旺角開往大埔的紅 Van》正式開拍,男主角阿池一角已鐵定由 Shine的黄又南擔正,女主角 Yuki原本屬意梁洛施上陣,不過已跟 Isabella分手兩年的李澤楷出手阻止,梁洛施出山冇望。

冇咗梁洛施, Yuki一角好在都搵到影壇新貴薛凱琪( Fiona)補上,據知今次《紅 Van》一片,由 Fiona所屬的太陽娛樂文化投資,揸弗人黄柏高 Paco唔只加重愛將戲分,更安排她與又南上演床戲。有 Paco出手, 31歲 Fiona有機搭住「紅 Van」攞影後。

由金馬獎「最佳導演」陳果久休復出執導的《那夜淩晨,我坐上了旺角開往大埔的紅 Van》,眼見之前另一部網絡小說《一路向西》拍成電影收得,今次陳果搵嚟 Shine兩子加薛凱琪擔正,論卡士比《向西》強十倍。

陳果早於去年尾已屬意 Shine嘅又南演出《紅 Van》主角阿池一角,但當時又南要忙搞演唱會,所以要延遲到開完騷先開工。

上月 15日,陳果導演生日,《紅 Van》男主角又南同有份喺戲中飾演四眼仔一角嘅天佑,加埋陳果一手發掘拍戲、於《紅 Van》亦客串演道友嘅李璨琛,一齊捧住有《紅 Van》戲名嘅 cupcake為導演慶生,氹到佢鬼咁開心。

Stephy拒演

之前女主角 Yuki一直懸空,據知有份投資的太陽娛樂文化的揸弗人 Paco,曾打算找前愛將鄧麗欣 Stephy補位,點知 Stephy因陳果曾找 Isabella做女一,擔心其他人作比較而造成壓力,所以一口拒絕,最後 Paco決定搵上年 9月加盟太陽娛樂文化的新寵薛凱琪頂上執三攤。

早前盛傳《紅 Van》女主角由梁洛施出任,但因要湊仔最後推辭,據知之後曾搵過 Stephy(小圖)頂上,但一樣推戲。而出山冇望嘅 Isabella早前回港小休,便約埋秋生,上咗張敬軒嘅摩星嶺新居飯聚。

網上圖片

5千萬投資

《紅 Van》紅遍高登後,作者 Mr. Pizza被出版商睇中出書。故事講述主角阿池乘坐旺角往大埔嘅紅色小巴,穿過獅隧後發現所有人及汽車無故消失,只剩低小巴及車內 17人留在冇人冇車嘅大埔。今次 Fiona飾演紅 Van中坐喺阿池隔籬位嘅乘客 Yuki,是一名被未來嘅日本政府派來現代做實驗的神秘女子,雖然小說中講述 Yuki篇幅並不多,但電影中, Paco會加重 Yuki戲分。據知今次太陽娛樂文化將投資 5千萬拍攝《紅 Van》,除又南及 Fiona外,更會邀請唔少紅星客串。

《蘋果日報》圖片

Paco加床戲

Fiona對上一套擔正嘅電影,就係同杜汶澤合演,上年 6月上畫嘅《懸紅》,計落都成年冇做過女主角。

Fiona自去年 9月加盟太陽娛樂後,一直專注於音樂方面,年頭出過 EP《冷笑話》,上週二( 21日)晚,又聯同吳雨霏、王菀之及林二汶一齊演出商台拉闊騷,而最新派台歌〈週末畫報〉亦力穀中;反而電影方面,自上年 6月與杜汶澤合演的《懸紅》中擔正做女一後,其後的《 DIVA華麗之後》及《百星酒店》都是做大配角,有見及此, Paco為捧一向演技不俗的 Fiona上影後位,決意在《紅 Van》一戲中,加重她的戲分,還安排與她有感情線的又南,加插一場原本小說冇出現的床上戲,製造話題。

據知 Fiona得知 Paco為自己爭取上位機會,除拍床戲冇 say no,就算片酬不高亦不介意。現 Fiona正待完成新歌宣傳後,便於 6月埋位拍攝《紅 Van》,到時 Fiona床戰又南,肯定夠曬話題。

自度 MV跳足 17粒鐘

6月先埋位拍《紅 Van》,開戲前, Fiona盡量穀新歌,最新派台歌〈周末畫報〉 MV中,有份度 MV概念嘅 Fiona經常扭動蛇腰, 31歲 Fiona一樣超 sexy。

為拍〈周末畫報〉 MV, Fiona專程搵排舞老師 High King惡補舞步,拍攝當日, Fiona一直跳足 17個鐘,佢話收工後攰到成身麻痺。

Fiona話今次首〈周末畫報〉係唱俾啲單身女士聽,不過呢下跌膊,應該連男仔都想睇喎!

共同進退

身為薛凱琪師妹的陳僖儀,不幸上月因車禍過身, Paco惟有轉穀新人雷琛瑜( J.Arie)及陳慧敏,上週原本安排師姐薛凱琪帶住佢哋喺上週六( 25日)晚播出嘅《萬眾同心公益金騷》合唱,點知雷琛瑜及陳慧敏臨時被抽起,而身為師姐嘅 Fiona為表不滿,索性辭演示威。據知是無綫高層餘詠珊為了幫老公何哲圖揸弗的星煥國際新人吳若希有位上台,故不惜抽起兩位 Paco愛將,難怪大師姐 Fiona咁嬲啦!

師妹雷琛瑜及陳慧敏(小圖)被飛出「公益金」, Fiona大可照唱,但一樣同班師妹共同進退,超有義氣。

雷琛瑜

陳慧敏

雷琛瑜及陳慧敏被飛,最後由星煥國際女歌手吳若希頂上,仲同同門師弟許廷鏗合唱。

Paco所屬嘅太陽娛樂文化,同何哲圖所屬嘅星煥國際,一直喺樂壇上角力,不過何哲圖太太係無綫高層餘詠珊,點都着數啲。《蘋果日報》圖片



鍾意就快D Share啦!