Sammi安仔趁低遊東京

表參道拖住買

安仔為保護 Sammi，講明冇化妝唔想影相，反而 Sammi唔介意，仲擰轉頭俾網友嚟張三七面。見 Sammi個樣笑到鬼死咁甜，影多幾張都冇所謂啦！

媽咪姐

Sammi安仔趁低遊東京

鄭秀文同許志安呢一 pair，前年復合嗰陣，兩個人都避避忌忌，唔敢咁高調。不過近排佢哋成日俾人影到繑曬手去超市買餸煮飯仔、睇貓仔。早兩日仲俾網友見到兩人趁日元低水，又秘密去咗東京拍拖㖭！人前人後愛到出曬面。

個網友話見到 Sammi同安仔喺東京表參道名店區 shopping，相入面 Sammi笑到蓮子蓉咁嘅樣。至於安仔呢，就拎住一大袋戰利品，一樣四萬咁口！不過 Sammi話自己冇化妝，網友亦好聽話冇拍兩個人嘅正面樣。其實佢哋都唔係第一次俾人影到去日本旅行，仲幾乎次次去都俾人傳結婚，唔知今次係咪真呢呵！

去到今年 5月，呢 pair癡纏情侶又去跑馬地買日本食材。繑到實一實之餘，邊行邊講，有講有笑，無辦法，結婚啦！

今年 3月， Sammi同父母、細佬去大坑食日本菜，安仔已經好似屋企人一樣齊齊嘆魚生。走嗰時仲扶實行動不便嘅鄭爸爸上落，關係擺明去到女婿嘅層次啦。

前年 6月， Sammi同安仔復合無耐，已經去東京旅行，住喺六本木嘅君悅酒店。嗰時，兩個人仲有啲避忌，行到離行離列，邊有依家咁 sweet！

鍾意就快D Share啦！

下一篇 》