全城熱爆的娛樂八封新聞 & 時事趣聞 & 生活 + 趣聞
一個見腿，一個夾胸，陳敏之呂慧儀各展所長。
同胡定欣一樣，都係九月生日嘅呂慧儀，生日翌日（四日）同陳敏之一齊行手錶騷搵銀。 又戴鑽石又戴名錶，陳敏之同呂慧儀都選擇著住性感晚裝現身，兩女各展所長，陳敏之曬 43吋長腿，呂慧儀就騷 34D巨蟹胸。各有各露，偏偏兩個上圍都先後失守，陳敏之凸胸墊，呂慧儀走大乳貼。
走光冇人想，奇就奇在陳敏之知道走光後，居然講咗句：「真係㗎，飛咗出嚟呀？但得一個咋喎！」吓！乜你平時攝好多個咩？至於呂慧儀，就話健身教練老公唔俾飽飯佢食，因為佢要減肥操 fit。咁個胸縮到離罩露貼，咪要搵佢老公算賬囉！
陳敏之話走墊因為冇試過件衫，呂慧儀就話呢排操得太 fit累事，女人總係特別多藉口。
