袁彌明搵定律師狙擊 TVB

「人民力量」主席袁彌明喺 fb呼籲大家加入「全球反 TVB大聯盟」，希望一班藝人齊心合力，「無綫同一班藝員簽一年一個騷，求其俾幾百蚊就雪你一年，連 30蚊最低工資都冇呀！」

媽咪姐

袁彌明搵定律師狙擊 TVB

亞視長期唔爭氣、王維基電視牌搞極唔成，無綫始終仲係一台獨大，不過上星期，呢個局面竟然出現逆轉。上周四（ 19日），通訊事務管理局裁定無綫壟斷藝員同歌手，罰無綫 90萬港元。

90萬，無綫一晚黃金時段嘅廣告收入都喺番度啦，不過錢銀事小，意義重大，呢次處罰象徵住政府終於意識到，一班藝員同歌手多年來都喺一個欠缺自由度嘅娛圈生態委曲求全！感受到大眾喺一個冇選擇嘅情況下「被娛樂」，增發免費電視牌照係幾咁刻不容緩。

家陣從政嘅袁彌明，就已經搵定一班律師團隊，同時呼籲曾經身受其害嘅一眾藝人，拎份合約出嚟俾律師過目，希望盡快可以搞集體訴訟，向無綫挑機。睇嚟 TVB都幾頭痕！

據知袁彌明正準備搵埋梁思浩上船，梁說：「當年簽無綫五年都係一年一騷，每個騷得三千蚊，後期冇騷㖭！」

通訊局指無綫合約規定歌手同藝人喺其他電視台禁止用廣東話，屬不當行為。罰款令一出，有網友上周就單拖直踩電視城，舉紙「捍衞廣東話」！

鍾意就快D Share啦！

下一篇 》