大鬧拍賣冇人性 梅媽：唔食都要告
百變樂壇天後梅艷芳（阿梅）在故居的逾千件遺物今日拍賣，其90歲母親覃美金（梅媽）昨日在兒子梅啟明及阿梅數名粉絲陪同下，在南華體育會中心的喜運星酒家開記者會，大會先向傳媒派發一份新聞稿，頭三頁是梅媽對阿梅的遺產執行人匯豐信託拍賣遺物的控訴，另包含十多頁是梅媽向匯豐信託（香港）有限公司、高偉紳律師行及潘兆初法官的申索陳述書。
梅媽指今次開記招的目的是宣佈想「炒匯豐魷魚」、告法官潘兆初及反對拍賣阿梅遺物，她說：「我要為我逝世嘅女討回公道，冇人性㗎！我去過信問可唔可以畀番少少遺物我，冇回應，之後個法官就批拍賣啲遺物。可能有人唔抵得我養到個女咁叻，搞搞震講衰我屋企，𠵱家阿梅啲遺物好似一嚿豬肉咁分出去，幾年前已經諗好拎到啲遺物，希望可以有個地方放好佢。」
■一代歌後梅艷芳逝世近十年，近日遺物被拍賣。
暗寸志偉冇問候
梅媽又指不要相信匯豐信託，她說：「做咩信託，信佢就託先真！人哋成日話我點對阿梅唔好，好同唔好都同你啲外人冇關，又話我賭錢，我都唔識賭，我一個人捱大四個仔女，我點使佢啲錢，使佢幾多錢，就算使都係應份！啲律師、法官都有父母，點解要咁對付我一個老人家。」梅媽說得激動時，不禁眼有淚光。
■梅媽講到激動，不禁眼濕濕。
■梅媽及梅哥昨開記者會，聲討阿梅遺物遭拍賣，梅哥更感激向太聲援。
■阿梅的大床亦被拍賣。資料圖片
問到會否到拍賣會？梅啟明搶答：「如果我哋去，一定會好混亂，俾人話搗亂冇乜意思，唔會去。」梅啟明說得面紅耳熱又掉報紙，大罵香港政府怎能容許別人遺產被拍賣，及暗指演藝人協會會長曾志偉多年來沒有對梅媽問候一句：「呢十年唔係打官司，係打緊血戰！」他否認當梅媽未獲基金支付生活費時沒有照顧對方，問到有沒有工作？梅哥說：「間中做散工，同靠外家。」
梅媽透露基金由去年7月開始拖欠她過百萬元生活費，過去十年花費不少在訴訟上，可有後悔？梅媽直言：「冇後悔，唔食都要告，要拎番公義！之前十二萬一個月，有一半都係請律師費用。」至於阿梅粉絲吳小姐表示已聯絡曾志偉幫手，希望保留阿梅生前每一件珍貴的遺物。對於梅媽的指控，黃國桐律師昨日在電話說：「因為梅艷芳小姐已經有咗遺囑，所以以遺囑為準。」
採訪：胡比
攝影：陳志嵐
足本收睇《亂噏24》x 甄子丹；天後潮媽陳慧琳接力登場！
周一至周五《亂噏24》預埋你：http://bit.ly/appletalk24
|
鍾意就快D Share啦！
|
|
|