Beauty Hunt
輪住嚟試 劉思希
電視台小花多，莫講話要坐正做花旦，就連一個好角色都難求。
11年落選港姐劉思希，成為無綫親生女之後，一心只在主持方面發展，點知被《巨輪》監製王心慰𥄫中，一拍劇就拍住男一蕭正楠。
雖然劇接劇，但原來其母親並不贊成她入娛樂圈，劉思希說︰「希望有日做到啲成績畀佢睇，等佢知道我做演員唔係玩玩吓，亦希望媽咪會改觀。」
28歲的劉思希，參選港姐後，很快就被派到娛樂新聞台做主持，亦做過旅遊節目《澳門足跡》。從未讀過訓練班，劉思希自然冇諗過可以拍劇，但機會就自己送上門。她說︰「我從來冇諗過拍劇，之前亦唔認識監製王心慰，後來知道佢因為睇咗《澳門足跡》，覺得我幾生面口，就搵咗我拍《巨輪》，其實我到𠵱家都唔知點解。哈哈！」拍完《巨輪》，劉思希再拍王心慰的新劇《忠奸人》，做吳卓羲女友，戲分更重，真係要多謝王監製。
阿媽反對
成為監製愛將，首次拍劇仲有唔少戲分，恨死一眾小花，但原來劉思希的母親並不贊成女兒入行。
「我喺澳門大學讀師範，亦教過書，媽咪亦都係做教師，所以佢好希望我做教書呢行。由選美到𠵱家，其實佢都唔支持我入行，希望有日做到啲成績畀佢睇，等佢知道我做演員唔係玩玩吓，亦希望媽咪會改變佢諗法。」
|
鍾意就快D Share啦！
|
|
|