無綫、電盈願收港視人
電盈的香港電視娛樂獲發免費電視牌，同屬電盈集團的nowTV高層何麗全昨在灣仔透露，不論於王維基的港視離職或其他機構人士，只要合適都會考慮，他說：「只要有才能、有需要都會用，戲劇組都有名單整理緊，主要幕後，好快會約見約20人，未來都要大量人手，我哋亦歡迎有約、冇約藝人合作。」
■盧海鵬（左）與吳耀漢前晚出席活動，笑言要搵梁振英試咪。
呼籲跳槽藝員回巢
有指張可頤、艾威和蒙嘉慧等港視藝人，因與無綫關係一般而重返無門，被指當年因要當視後才續約無綫的可頤昨笑言：「我喺無綫係部頭約，邊度有好製作都會做，明年初返大陸拍劇。話以續約換獎真係畀面，得啖笑啦！」
艾威認為會否重返無綫都睇條件：「無綫都否認咗啦！我喺港視合約明年3月至滿，呢個世界任何事都會發生嘅。」無綫企業傳訊部副總監曾醒明強調無綫並無黑名單，行政主席梁乃鵬亦早說過無綫大家庭門常開，歡迎港視台前幕後精英重返無綫。無綫節目《東張西望》昨晚呼籲跳槽的職藝員回巢，又找薛家燕等藝員呼籲，並於節目中播出聯絡電話，呼籲舊職員致電查詢。
黎耀祥昨出席《法外風雲》宣傳，談到無綫黑名單時直言：「唔係話你想人返就返，人哋想唔想返係一個問題。」祥仔笑言自己民望高過梁振英。
盧海鵬前晚表示支持發牌：「我相信好多人都想問特首，何止搵佢試咪！」餘慕蓮繼續大鬧政府：「離曬譜，拍咗劇就冇牌，未有準備就發牌！」
採訪：馬建華、張俊銘、楊潔雯
攝影：黃偉雄、黃曉妍
■電盈nowTV高層何麗全表示，有意吸納港視藝員。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！
|
鍾意就快D Share啦！
|
|
|
