全城熱爆的娛樂八封新聞 & 時事趣聞 & 生活 + 趣聞
FBI發現沈震軒一身潮 look單拖去翠華買外賣返歸，同佢部十幾年車齡嘅舊車完全唔襯。
最近被 Paco力捧嘅沈震軒，事業正喺上升軌道，佢孭飛嗰套《溝女不離 3兄弟》票房都唔差。
事業得意，愛情就未有起色。自從同 JJ賈曉晨散咗後，沈震軒都齋咗好耐，上週四(17日)沈震軒出席完無綫活動後，一支公揸住部十幾年車齡嘅舊萬事得去翠華買外賣，之後就揸車返佢西貢間村屋食嘢，夜晚再出動同葉念琛等出席《溝》片謝票。冇靚車想溝女都難啦！不過沈震軒咁靚仔，又上緊位，其實大把女想埋佢身就真。
雖然工作不斷，不過沈震軒𠵱家都揸舊車、住村屋，好慳家。
一條友喺屋企食完外賣，沈震軒再標出去旺角同葉念琛等出席謝票活動，生活真係幾 dry。
