2013年10月25日 星期五

Juno好念舊 MW,




喜作型人打扮嘅 Juno,首部執導電影就搵咗日本有名嘅恐怖電影大師清水崇監製,即獲今屆金馬獎「最佳新導演」、「最佳視覺效果」及「最佳造型設計」三項提名。真係唔講得笑。

媽咪姐

Juno好念舊

今年港產鬼片特別多,繼《奇幻夜》、《迷離夜》之後, Juno(麥浚龍)首部導演作品《殭屍》又殺到!《殭屍》以八十年代主打的殭屍系列為藍本,由做過唔少殭屍片的錢小豪做主角,懷舊味十足。影片以公屋為背景,一班街坊都由老戲骨演出,例如陳友飾演隱世末代天師、惠英紅飾演神經婦、鮑起靜飾演好心師奶,個個平凡背後各有故事,令《殭屍》除咗恐怖之外,都有不少故事性。

鮑起靜飾演的師奶表面上樂於助人,原來她在家中藏屍,更將浴缸當棺材,黐得好緊要。

陳友是捉鬼天師末代傳人,煙不離手的他佬味十足。至於盧海鵬今次唔係演老江湖,而係一名屋邨管理員。

錢小豪飾演的過氣影星被迫遷入公屋凶宅,點知黑開有條路遇上殭屍。片中錢小豪打到爆缸,一改往日靚仔形象。



鍾意就快D Share啦!