網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年11月7日 星期四

招兵買馬 法拉楊怡走人 周麗淇賣身 5年換視後 周麗淇,楊怡,熱門,M1,




周麗淇簽長約做親生女,與林峯拍由 Now投資的《大漢賢後衞子夫》亦會安排在無綫播出。

探熱針

招兵買馬 法拉楊怡走人 周麗淇賣身 5年換視後

外界熱撐 HKTV開台,面對免費電視台來勢洶洶,無綫又唔爭氣,小生花旦不停流失,上得枱的陳法拉楊怡相繼走人,製作資源副總監樂易玲接旨,要想辦法留人打仗。

舊人唔願留低,樂易玲唯有外求,拉攏有收視保證的周麗淇簽藝員長約,據知, Niki已決定賣身五年做親生女,換取台慶視後獎項,甚至不計前嫌,答應明年與舊愛鄭嘉穎合作王心慰新劇,幫無綫大搞綽頭。

其他影片
一波三折

鍾嘉欣演出《巨輪》被田蕊妮搶曬鏡,大結局當晚無厘心機。

每年的台慶頒獎禮,小生花旦都為視帝視後獎項爭崩頭,近日便傳出快約滿的楊怡,將會跟隨合作多年的經理人嘉莉離巢,為此,無綫曾考慮將今年的視後獎頒給《巨輪》的鍾嘉欣。

不過,去年即使有收視高的《護花危情》造勢,一樣敗給《名媛望族》楊怡的鍾嘉欣,今年同樣遇上黑馬周麗淇,封後希望,一波三折。

「其實嘉欣舊年個勢仲好過今年,但都輸俾楊怡,鬼叫佢舊年唔睇清楚就矇查查同無綫續咗八年長約,公司見你走唔甩,自然唔會俾獎啦!俾份長約綁死,我哋知今年佢一樣無份!」一名 TVB員工說。

上週四, Niki與當日牛一的 Marianne到利園買紅酒,為晚上開 P準備。

Marianne生日當晚,樂易玲亦有到。

簽五年約

事緣一直只簽部頭約的周麗淇,近日與樂易玲密密見,有指樂易玲想簽 Niki做親生女,藉此取代離巢的陳法拉。

「今年五月《金枝慾孽 2》收視插到得十八點,因為無綫同廣告商嘅合約係規定如果收視低過二十點,就要作出賠償,冇曬面仲要有金錢損失,嗰陣真係倒瀉籮蟹;《好心作怪》接《金枝 2》出,當時大家都好擔心,點知出街後平均收視有三十點,最高就三十三點,無綫自然當 Niki係福將,加上陳法拉走完楊怡又走,無綫根本無曬花旦,更加攬住 Niki當寶。」知情者說。

無綫今年突然再改制,視帝視後由去年全民投票改為 50%專業評審,方便用獎留人,包括快將約滿的陳豪,至於傾掂數簽五年約的周麗淇,賣身有附帶條件!

分手五年,鄭嘉穎將回歸與 Niki合作新劇。

(《忽然 1周》圖片)

《金枝 2》雖然有鄧萃雯、蔡少芬、陳豪,但收視插水,緊接出街的《好心作怪》成功掹番上三十點,周麗淇被視為福將。

過氣情侶檔

去年視後楊怡唔願續約,冧莊機會微。

「殼王陳國強同 Niki所屬嘅大嶽娛樂老闆林建嶽係老友,二來 Niki自己同樂易玲、曾勵珍、梁家樹幾個高層關係都好好,佢肯賣身做親生女,公司內部意向今年俾佢做視後;之前新加坡嘅電視頒獎禮, Niki已經擸咗兩個獎,月底馬來西亞頒獎禮,公司亦度咗期叫佢出席!」一名無綫人說。

免費電視台來勢洶洶,為加強競爭力,無綫不容有失,經理人部門亦同藝員鎖定檔期開劇,賺錢內地劇全部要讓路。據知,近年唔願返香港,執人仔賺到笑的鄭嘉穎,最近亦向身邊人透露,明年會與前度 Niki再合作,接拍王心慰新劇,回歸穀收視。

萬試萬靈

小生花旦爭做視帝視後,每年年尾,換獎傳聞浪接浪;賣身簽長約後就有獎揸手,以約換獎,萬試萬靈。

黎姿

04年《金枝慾孽》四位花旦同角逐視後,本以鄧萃雯呼聲最高,但有傳黎姿簽 5年合約換獎,成功截胡奪視後,當年影視處更接獲過百宗投訴表示不公平; 05年,黎姿果然簽埋 TVB的經理人合約。

鄭嘉穎

06年憑《天幕下的戀人》奪視帝,鹹魚翻生,把心一橫與 TVB簽了十年包薪約; 11年,再加簽 5年長約,錫鄭嘉穎錫到燶的樂易玲搏曬老命拉票,成功助他再度以《怒火街頭》坐上視帝寶座。

楊怡

與無綫簽下長命約的楊怡, 09年再續約 5年,並憑古裝劇《宮心計》獲「我最喜愛電視女角色」及「最佳表現大獎」;去年,無綫又出術留住快將約滿的楊怡,結果憑《名媛望族》奪視後,是第二位藝員訓練班出身做視後的女演員。



鍾意就快D Share啦!