掃呢頁CODE去手機

2013年11月13日 星期三

億萬身家禦女有術 兆尊一拖兩女

video


億萬身家禦女有術 兆尊一拖兩女

億萬身家禦女有術 兆尊一拖二出巡

【銅鑼灣】慈善伶王新馬師曾(鄧永祥)長子鄧兆尊現年46歲,坐擁逾億身家,是城中的鑽石王老五,身邊有兩位女友相依十多年,分別是正印Carmen及前助手車厘子。左右逢源的兆尊,大前日一拖兩女友出巡銅鑼灣,全程仿似大爺對兩女愛理不理,原來兆尊近年𠱁掂Carmen與車厘子,令她們可如好姊妹般和平共處,看來兆尊禦女有術,風騷享受三人行。

鄧兆尊有一個富貴老竇新馬師曾,他遺傳了爸爸的演藝細胞,94年加入無綫拍攝劇集《餐餐有宋家》及《皆大歡喜》等,擅演小人物角色。祥哥逝世後曾爆發爭產事件,兆尊幾兄弟姊妹與生母洪金梅對簿公堂,其後母子和好,近年兆尊亦淡出娛樂圈,他最為人記得的除了爭產事件外,就是當年盛傳跟安德尊爭奪車厘子的「雙尊爭子」三角錯。



【享齊人福】■兆尊、車厘子及Carmen大前日於銅鑼灣行街,看來相當融洽。

兩女相處融洽

當年車厘子本是安德尊的助手,兩人關係曖昧,其後兆尊加入爆發爭女戰「雙尊爭子」,有傳最後兆尊成功撬牆腳,車厘子移情別戀並改任兆尊助手。然而,兆尊本身有位正印女友Carmen,據知Carmen是邱淑貞老公沈嘉偉的親戚,經營時裝店生意,並曾於永祥大廈跟兆尊同居,自車厘子介入後,兩女水火不容!據知兆尊和Carmen的十多年感情欲斷難斷,近年兆尊終冧掂Carmen,而兩女隨著年紀漸大亦看開,更可和平共處,大前日難得被發現三人行!



【有傾有講】■行家品部時,(左起)Carmen、車厘子及兆尊有傾有講。



【陪車厘子】■車厘子邊睇衫邊整理秀髮,兆尊則乖乖待在一旁。DV圖片



【陪Carmen】■兆尊陪Carmen揀衫,不時加意見。

大前日傍晚6時許,身穿唐裝衫的兆尊現身銅鑼灣,手拿佛珠的他打扮似足祥哥,當時他朝著時代廣場方向行去,在他的前面隔幾個身位,赫然發現Carmen與車厘子並肩而行,戴了黑框眼鏡的Carmen和車厘子邊行邊傾,看來感情甚佳,相反兆尊卻獨自跟在她們身後,恍如大爺般愛理不理。過馬路時,兆尊突然行前,還罔顧交通規則紅燈過馬路,兩女殿後聊天。

兆尊一拖二風騷行時代廣場,等𨋢期間他傾了一個電話,全程唯一露出笑容就是傾電話。之後他們逛傢俬店,似漫無目的地隨意看看,跟著就轉去睇女裝衫,兩女不時交換意見,兆尊卻無聊到坐下慢慢等,之後他們去看茶葉,終於有東西激起兆尊的興趣,最後他們到樓下睇化妝品,兆尊依然很有耐性陪兩女行街,享受三人行的樂趣。



【無聊玩機】■兆尊無聊把玩手機,車厘子即𥄫到實。



【跟得女友】■兆尊一馬當先過馬路,兩女則殿後邊行邊傾,狀甚老友。DV圖片

祥嫂同Carmen較熟

問兆尊是否與兩位女友一起逛街?他前日接受電話訪問時說:「都係朋友,同朋友去行街冇乜特別呀!感情?唔講咁多啦!」近來生活如何?他說:「幾好呀!遲下會回歸無綫拍劇,因為同志偉老友,佢叫我返無綫拍劇,我咪返去拍囉!」祥哥生前先後娶過四位老婆,兆尊一拖二頗有父親風範,祥嫂昨日於電話說:「最近感冒,上星期阿女帶我睇醫生。」兆尊有否帶車厘子及Carmen探她?祥嫂反問:「乜嘢車厘子?冇,佢周不時自己見我,女朋友選擇中,唔敢帶嚟見我㗎!」有否見過兆尊女友?祥嫂說:「唔熟,Carmen反而熟啲,佢哋拍拖好耐。」恨飲新抱茶嗎?祥嫂說:「咁大個仔唔可以勉強,𠵱家社會自由選擇。」

採訪、攝影:徐錦池、吳耀輝



逢周五隨《蘋果日報》附送嘅時尚美容雜誌《add》雖然早已派完;

拎唔到書嘅朋友,可以上番《add》嘅官網 http://add.appledaily.com睇番足本網上版,除咗有專訪外,仲有好多時裝靚嘢睇!



鍾意就快D Share啦!