全城熱爆的娛樂八封新聞 & 時事趣聞 & 生活 + 趣聞
6/11 26℃ 入面嗰件已經係樽領，峯少仲要加件長袖褸，係咪凍成咁呀？
雖然已經 11月，但天氣都仲係暖暖哋，日日都廿幾度， FBI啲冬裝未係時候出場，不過上星期 FBI一連兩日見到林峯，就發現佢好似發冷咁連續 2日着樽領衫，似足嗰啲封胸𡃁模！
7/11 27℃ 另一日仲誇，樽領冷衫都出動埋，拍落周麗淇度， FBI見到都流汗！
其實 chok峯身子弱唔係秘密，之但係同場嘅周麗淇仲係露膊中袖，男人老狗冇理由虧成咁？ FBI大膽假設吓， chok峯咁驚露出條頸，會唔會係同千語 BB夜晚玩得太癲，怕俾人見到條頸一笪笪咖喱雞呀？
林峯套新戲《詭嬰》，有得同千語 BB合作，不過兩人唔係做夫妻，而係姐夫同姨仔嘅關係。
