全城熱爆的娛樂八封新聞 & 時事趣聞 & 生活 + 趣聞
許亦妮上身都算密實，但識得請 Dolly& Molly品牌韓籍老闆申先生食波餅，叻女！企喺老闆另一邊嘅韓模蔡恩真即刻黑曬面。
呢排俾人圍插嘅許亦妮（ Whitney），一時俾人話黐富二代，一時又臭寸扮大牌，觀眾緣衰到冇朋友！正所謂姣性難移， Whitney上星期出席時裝品牌活動就繼續發功，全程係咁用「胸器」頂實對方手臂，又着曬緊身短皮褲，氹得品牌老闆鬼咁開心！
對住米飯班主好識做，但私底下許亦妮就好孤寒，出街嗰陣條拉鏈拉到上頸，上圍亦自動縮水。收放自如，想唔話佢襟撈都唔得啦！
FBI最近亦喺尖沙咀撞到 Whitney，呢晚唔使開工， Whitney即刻收起性感，仲連上圍都冇平時咁澎湃，冇錢收當然唔會免費派街坊啦。
呢晚冇仔陪， Whitney自己去買米線外賣，等外賣嗰陣一坐低即刻拎住個電話喪篤，唔通又撩緊仔？
