當日 5位妹妹仔其實都扮得相當入型入格㗎喇，但糖妹一碌大對眼， FBI就睇到佢對「大眼仔」囉。
FBI
《 M Club》糖妹大眼仔穿崩
曾志偉監製嘅 TVB劇《 M Club》拍極唔完，前週五（ 25日） FBI又撞到劇組喺中環拍外景，當日就得清一色後生版主角，而正牌老版 M Club女就喺 TVB門外拍。
其實兩邊故事都冇咩關連，不過 FBI就係睇唔順眼 TVB嘅製作仍然係咁唔認真。點解咁講？班後生版妹妹仔係扮演緊 7、 80年代嘅學生，但係糖妹就大大隻大眼仔戴上眼，雖然係靚啲 cute啲，但係都唔好咁離譜吖！套劇到時出街又被網民笑，又話 TVB是是但但，真係要繼續熄電視先得喇！
中女版《 M Club》女當日喺 TVB門外扮 fans，講佢哋由 80年代追譚校長追到𠵱家，江欣燕仲為追校長追到跌低。但點解唔見校長嘅？原來校長臨時放 TVB飛機冇出現， FBI八到校長答應之後補番錄音，「聲演」番呢一幕喎。又一求其是但例證。
|
鍾意就快D Share啦！
|
|
|