得知向許願泉許願要背向噴泉後，古仔問陳木勝攞銀仔嚟多 take， NG冇緊要，最緊要靈靈性性！
同你吟一吟
古仔羅馬蝦碌許願
唔再拍劉華，導演陳木勝搵咗劉青雲、古天樂孖寶兄弟加埋上曬身嘅張家輝合作寰宇新片《掃毒》，作品獲羅馬電影節邀請做閉幕電影，三位主角去齊，除咗劉青雲同老婆早啲過去玩，古仔家輝同其他人早個禮拜五（十一月十五日）晚一齊出發。
行程連頭夾尾得兩日半時間，當中仲有廿八個鐘喺空中。第二朝一到埗，古仔快叉一陣，就同大隊羅馬一日遊，晚飯前，仲要坐車去埋許願泉許願。
神心古仔默默稟完一輪，身邊先有人同佢講話喺許願泉許願，係要背住個噴泉掟銀仔，古仔二話不說，問導演攞多個銀仔， take two嚟多次。
第一次拜鬼佬神，蝦碌許願嘅古仔話如果《掃毒》收得，會再嚟羅馬還願，仲要前面還一次，後面又還一次，唔會打斧頭。好！八珍望如你所願，殺曬！
|
鍾意就快D Share啦！
|
|
|