網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年11月28日 星期四

蔡少芬晒冷湊女 蔡少芬,M1,




同你吟一吟

蔡少芬曬冷湊女

上個禮拜九龍城發生「拐 B案」,半歲大小凱晴下落不明,全港發起尋 B大行動,無論事件背後原因係乜,做父母嘅已經豎起所有神經,睇實自己嘅小朋友,包括家有兩位小千金嘅 Ada蔡少芬。

早個禮拜,《壹》仔響圓方撞見 Ada一家四口,仲有助手若蘭同兩個小朋友,加埋大班屋企人同外傭,一齊行街 shopping。雖然當日未發生「拐 B案」,但呢個曬冷陣容,同行四位小朋友夠曬安全。

行到電器鋪,部分大人同外傭留喺門口照顧小朋友, Ada就行入去睇電器,買咗部空氣清新機, Ada仲好眼利,揀緊電器都見到有鏡頭影住佢,一眼關七。佢事後同《壹》仔講話空氣太差兩個小朋友易病,老公張晉亦鼻敏感發作,傷風感冒兼失聲。

招呼完《壹》仔, Ada拖實大女「湯圓」繼續行街街,張晉亦從旁保護,有個醒目媽咪,又有個好打老豆,兩位千金夠曬安全。

Ada同《壹》仔傾完偈,大女「湯圓」即刻上前拖實媽咪,加埋有打得張晉喺身邊,非常安全!

Ada話空氣差,搞到大人細路身體都唔好,所以細女「包子」由 Ada阿姨抱住(箭嘴),暫時要遠離戴住口罩嘅病爸爸。

Ada入電器鋪揀空氣清新機,成班大人就企響門口,幫眼睇實同行四個細路仔。



鍾意就快D Share啦!