肉緊啜啜
後台一早準備咗香檳慶祝，但丁丁為𠱁小春開心，專登帶紅酒俾老公，仲一臉陶醉錫錫，三個字：好寃氣囉！提提你記得上網睇埋片，佢哋喺慶功宴上，一樣 sweet㗎！
媽咪姐
紅館後台直擊 小春丁丁最寃氣
一班古惑佬早前喺紅館演出「歲月友情演唱會」，吸引唔少藝人捧場，就連嫁入豪門、退出娛圈 5年嘅黎姿都俾面出席周日（ 10日）嘅尾場。
當晚全場都好 high，尤其係「古惑嫂」之一嘅「丁丁」應采兒。出名同老公陳小春愛得寃氣嘅佢，當晚戴上米妮大蝴蝶，每當老公出場，佢都大聲吶喊，久唔久又深情對望，真係交足戲㗎！開騷前，丁丁又特別為老公準備至愛紅酒，兩公婆更毫不避忌，對住鏡頭大大啖啜。哎喲，夠啦你哋，媽咪姐睇到起雞皮啦！
盈盈重裝護 B
當晚盈盈帶埋囡囡 Alyssa撐老公錢嘉樂。為防現場燈光、音響影響 BB，盈盈特別為 Alyssa戴上耳罩同太陽眼鏡，誇張到呢！不過一入番後台，終於解除束縛，舒服曬！
群星另類撐
未有現身嘅修哥胡楓則送花籃以示支持，不過上面竟然寫上：「做好個 show唔好劈我！」相當搞笑。
隊酒隊不完
後台大大話話有 50支香檳，全部雪曬落冰桶度。一完騷，古惑仔台前幕後即係咁隊酒，認真 high爆。
|
鍾意就快D Share啦！
|
|
|