掃呢頁CODE去手機

2013年12月6日 星期五

[忽然1周 958] 馬明乜都慳 馬明,馬國明,MW,




大家撐我做最慳視帝呀!(設計對白)

媽咪姐恭喜馬明成為視帝大熱,原本冇乜精神嘅佢,即刻笑番,但就好謙咁話人人都有機會。

媽咪姐

馬明乜都慳

陳豪快將約滿無綫,黎耀祥嘅劇又唔太收得,而林峯又掛住拍拖,今年視帝大熱都係馬明同張智霖之爭!

雖然馬明已經穩企一線小生行列,不過平日極之慳家嘅佢,未有因為自己升呢而要著靚衫揸靚車。早排媽咪姐見佢一身 casual打扮蒲 ifc,頂帽戴到真係差啲連雙眼都遮埋,佢同媽咪姐講:「臨近頒獎禮,我嚟呢度借衫咋!」媽咪姐當然估到佢嚟 ifc借衫啦,佢咁慳,梗唔會嚟 shopping啦。之後見佢行去停車場攞車,仲係揸緊架「掃把佬」,唔似其他小生咁,搵到錢即刻換番架 BENZ呀、寶馬呀!馬明咁慳,相信佢儲埋好多,難怪自陳豪封盤後,依家個個叫佢筍盤啦!

唔係媽咪姐眼利,真係好難認得出呢個牛記笠記,孭住大包小包嘅男人係筍盤馬明。

馬明頂帽差啲遮埋眼,但可能俾人影得多,出車時佢終於發現媽咪姐。



鍾意就快D Share啦!