全城熱爆的娛樂八封新聞 & 時事趣聞 & 生活 + 趣聞
睇阿叻個表情，就知佢驚驚哋，反而王生揸住隻杯好淡定，仲幫阿叻斟埋㖭！
一個唔覺意聽錯「印度遊樂會」係「印度會」嘅阿叻，走咗入有成 200個港視員工嘅 BBQ會場，好多人都以為佢係「踩場」，所以即時全場起哄！之不過，擺明誓不兩立嘅阿叻竟然同魔童王維基搭曬膊頭扮老友，仲爆響口話撐 HKTV，唔知阿叻事後有冇俾無綫照肺呢？咪住，無綫呢期興封殺！到出年世界盃直播時，諗住做硬主持嘅阿叻可能會俾人換走喎。
阿叻話：「我從來都撐，香港政府應該發多幾個牌！大家有得撈嘛！」王維基回應：「發多幾個牌？我由將軍澳跪返屋企！」寸得好應。
阿叻踩完場又「自隊」閃人後， BBQ現場嘅情緒依然好高漲，因為王維基同部分高層與現場員工玩猜枚派金牛，又食又有錢派，係人都想繼續有工開啦。
