全城熱爆的娛樂八封新聞 & 時事趣聞 & 生活 + 趣聞
校長肉騰騰 跳住鄭多燕嘅譚校長好似米芝蓮，身上有兩、三個車呔。
近年興韓國嘢，連減肥都唔例外，媽咪姐同好多姊妹呢排都狂跳「鄭多燕」瘦身，估唔到連譚詠麟都係 fans。
《左麟右李十週年演唱會》上周開騷，譚校長同李克勤大跳鄭多燕，場面搞笑，不過校長就明顯未收身，成身肉騰騰，腰間仲有幾截車呔，同媽咪姐身形差唔多咋陰功！反而拍檔李克勤真係 fit好多，著起誇張歌衫都好有型，相比之下，似乎校長真係要多啲跳鄭多燕至得嘞。
勁跳鄭多燕
左麟右李大扭 pat pat示範鄭多燕舞步，唔單止觀眾興奮，杜麗莎更企起身拍爛手掌。
扮《激戰》互打 演唱會大玩《激戰》造型，雖然冇騷肌，但係配合台上閃光同黑暗背景，令兩人嘅「對戰」更有動感。
譚詠麟母親陳珍妮喺頭場現身，仲睇足全場，相當支持阿仔。
克勤吹脹咗 左麟右李今次玩唔少誇張造型，李克勤著住呢個「充氣膠袋 look」自彈自唱，贏得唔少掌聲。
生日有餅切 演唱會首場（ 6日）係李克勤 46歲生日。台前 fans率先送上蛋糕，點知克勤揸唔穩，差啲跌落地。台後仲有個大蛋糕，克勤真係切蛋糕切到手軟。
