掃呢頁CODE去手機

2013年12月13日 星期五

[忽然1周 959] 梁芷珊贏馬掃怨氣 MW,




媽咪姐

梁芷珊贏馬掃怨氣

做咗羅傑承多年賢內助嘅梁芷珊,平時除咗陪老公跑馬睇波外,早排仲喺中環開咗間來佬餐廳。雖然老公官司在身,不過佢同老公依然馬照跑波照踢。

早幾日淩晨一點半,梁芷珊喺自己個 facebook話老公飲到「 pair pair夫」,要佢半夜三更去按摩店接佢。老實講,媽咪姐真心佩服羅太咁冷靜仲可以寫到字,俾著媽咪姐個老公係咁,肯定要佢……俾多個月家用!

不過咁,媽咪姐前幾日喺梁芷珊個面書上,見到佢寫咗大段字,內容就話老公飲酒飲到 pair pair夫,俾公司同事車咗去按摩店,搞到做老婆嘅佢,要半夜三更趕去按摩店接老公返屋企。睇得出羅太寫呢段字嗰陣,應該怒火沖天,真係用幾盆水都未必淋得熄。

之但係,事隔兩日,媽咪姐喺馬場見到佢兩公婆拉頭馬影合照,芷珊姐又笑到四萬咁口。哈!原來呢招對羅太 work喎!咁羅生下次激親老婆嗰陣,記得搵隻馬幫幫手嘞。

贏馬笑曬

發完微博,過兩日羅傑承隻馬「競技英雄」出賽,結果跑第一,原本成肚氣嘅羅太,拉頭馬嗰陣笑逐顏開,咩火都熄曬啦。

開心拉頭馬


鍾意就快D Share啦!