楊婉儀有好姊妹幫手做善事，仲有老公王瑞勳（左一）支持。
同你吟一吟
朱玲玲幫楊婉儀手使錢
舊年全面撤出幕前，專心搞幼兒學前教育中心嘅 95年港姐楊婉儀，業務由香港推到過澳門之餘，仲開出兩年後搞幼稚園期票。
有生意頭腦，楊婉儀亦有心幫小朋友。上個禮拜四（二十八日），佢吹雞嗌咗慧妍雅集班姊妹包括朱玲玲、王愛倫、莫可欣等，一齊去咗 ifc間 Tom Ford買嘢使錢，事緣鋪頭老闆答應楊婉儀將當日部分生意額捐出，用嚟買聖誕禮物送俾啲有需要嘅小朋友。買得多，捐得多，一班阿太港姐個個喺鋪頭搵嘢買，鬼咁踴躍。
當然，當日有份嘅阿太隨時都可以跌一萬幾千出嚟買禮物，二五話楊婉儀兜個圈，都係想向外推廣，等多啲人有意識同有更多嘅人得到幫助。好 warm呀！所以八珍都捐咗千幾蚊俾慈善機構，參與禮物轉贈計劃，略盡綿力囉！
|
鍾意就快D Share啦！
|
|
|
