網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月11日 星期三

[FACE 342] 雞有雞味 接君如《金雞 3》棒 王菀之秘密做怪雞 君如,王菀之,吳君如,MF,




週日( 8日),吳君如在尖沙咀為《金雞 SSS》開工,中門大開,一身 deep V碎花裙打扮極為養眼,仲似足芝麻街 Elmo添!

真面目

雞有雞味 接君如《金雞 3》棒 王菀之秘密做怪雞

闊別 10年,阿金終於回歸。

《金雞》第 3集《金雞 SSS》先有飾演「鴨王」的杜德偉和「江門歌手」古天樂的角色曝光。週日( 8日),阿金吳君如和陳奕迅秘密開工,阿金造型十足芝麻街的 Elmo,不過係香艷版囉!

今集阿金已升呢做媽媽生,更訓練出 2名小金雞,分別由王菀之和衞詩雅演出,前者承接阿金耍醉拳、大近視的騎呢造型,接棒做怪雞,繼續「阿金努力,阿金搵到食!」

四十多歲的阿金,已經升呢做媽媽生,今集講述新世代「金雞」這個夕陽工業,除了客路,連旗下的小金雞都要爭崩頭用腦求生。

小雞 1號

設計圖片

王菀之於《金雞 SSS》內飾演古怪妓女角色,其古怪的造型入形入格,極有潛質接君如的棒。

小雞 2號

衞詩雅於《金雞 SSS》中飾演其中一隻「小雞」,同時又係君如得力門徒同靚女版阿金。

王菀之哨牙 look

咁似我嘅?設計對白

一如以往,君如碌盡人情咭,至今陳奕迅、張家輝和黃子華已答應客串;而在第二集因馬上風而死的周老闆黃秋生,今集將以另一角色客串。

君如旗下有一班「小金雞」,好似「魔鬼巨胸」蔚雨芯、吳若希等,而君如頭馬分別由王菀之和衞詩雅飾演,詩雅以清純靚女 look爭客,而王菀之就要 copy阿金以前的騎呢「雞途」,又要著得浮誇、戴假髮和大哨牙,迎合不同種類的客人。「因王菀之喺《老表》入面個角色好突出,君如點名搵佢拍,個角色好出㗎!雖然核突啲,王菀之都肯拍。」知情人士說。

薛凱琪做媽媽生

週日( 8日),君如以另一阿金造型,在尖沙咀後巷拍攝與陳奕迅的戲分,紅色毛毛大褸配低胸衫,君如激似芝麻街的 Elmo,由於造型需要保密,君如發現記者就上車避鏡頭。

今集不少角色造型都好爆,電影公司下令要秘密拍攝,除了王菀之的造型,據聞薛凱琪亦會客串做媽媽生,與阿金爭「女」接客,但與前 2集不同,今次客人多數為富豪級人馬,所以勁多私人派對場面。日日趕拍鬥快上賀歲檔,《金雞》大戰黃百鳴《六福喜事》,又有發哥霆鋒《賭城風雲》,精采喎!

最強卡士

週日( 8日),《金雞 SSS》在尖沙咀拍攝外景,當日不單有飾演媽媽生的君如在場,還有飾演「鴨」的陳奕迅同場,未知今集會否再演「小鋼炮」?

已經拍到第三集的《金雞 SSS》,一如以往找來多位紅星客串,今集串星陣容一樣勁,有飾演「江門歌手」的古天樂、黃子華、甄子丹、張家輝、餘文樂、黃秋生、盧海鵬;君如的前度杜德偉亦被邀演出。

監製陳可辛更特別安排個「鴨王」角色畀杜德偉,令已經變成媽媽生的阿金,重遇呢位舊客仔兼舊情人。

鴨王偉

吳君如碌盡人情咭,力邀多名紅星客串《金雞 SSS》,當中最矚目包括舊愛杜德偉,不避嫌答應演出。

T-back家輝

張家輝有份客串《金雞 SSS》,據知戲中會 T-back上陣,肉搏君如。

嫖客教主

黃子華於《金雞 SSS》中飾演嫖客,仲會罕有地赤膊上陣,使唔使增肥先?

'02醜雞

吳君如早在《金雞》造型都極為古怪及重口味,王菀之要接棒也須跟從其風格造型。

陳冠希拒做嫖客

逐漸復出娛樂圈的陳冠希,上週六( 7日)在 BLOHK PARTY首次在香港公開演唱。上月, Edison已在彭發執導的微電影《探靈檔案》擔任男主角,先試水溫, Edison說:「喺廣州拍咗個幾月,拍番電影好開心,我期待觀眾反應,想啲人鍾意睇我做戲,而唔係睇 Edison。」

原來, Edison亦有份拍攝《金雞 SSS》,據知是君如親自邀請他拍攝,起初想 Edison飾演其中一位嫖客,但形象關係,最終 Edison在戲中將客串飾演一位日本生意人,來港工作遇上阿金,是阿金今集其中一位貴人。

據知君如親自邀請 Edison拍攝,《金雞 SSS》飾演其中一位嫖客,但 Edison於考慮到形象問題,最終改為客串飾演一位日本生意人。

Edison在今年 10月擔正彭發執導的微電影《探靈檔案》,為復出打入港產片市場作準備。

上週六( 7日), Edison現身西九 BLOHK PARTY作表演嘉賓,台上唱歌極為落力,仲一改遲到作風,準時到達,好罕見啫!



鍾意就快D Share啦!