網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月11日 星期三

[FACE 342] 人財兩失  TB汪斬纜 馬賽翻兜東莞李嘉誠之子撻 Q 馬賽,MF,




做完東華,馬賽自己揸車返位於清水灣半島的香閨,大方向記者揮手「拜拜」,當晚未見馬賽媽同行。

真面目

人財兩失  TB汪斬纜 馬賽翻兜東莞李嘉誠之子撻 Q

馬賽由直變攣同內地有米製片人汪子琦啜爆上海灘,嚇窒一班男粉絲之餘,更激嬲無綫被迫入雪櫃。人氣同事業直插穀底,又被汪子琦的富婆前度 Laura Lee喪鬧係「披住兔皮嘅狐狸」。純情 BB變狐狸精,馬賽終於出招博翻身,趁上週六( 7日)東華復工,當眾喊住懺悔,更暗示同 TB汪已分手,唔再做同志。

據知馬賽今次主動認衰,除了希望洗底走出雪櫃,最主要係想翻兜「東莞李嘉誠」之子、家族擁百億身家的前男友簡建鋒。本刊上週五( 6日)直踩東莞追訪簡建鋒,簡一聽到馬賽個名已黑面速閃。馬賽要復合應該難過扮同志。

復工頭炮,馬賽上東華表演「燕式平衡」籌款,但由於一直雪藏冇練習,馬賽表演唔足 1分鐘,真係去個廁所都睇唔到!

上月突然傳出硬撬富婆 Laura Lee牆腳,搭上有米 TB製片汪子琦的 26歲馬賽,最初死口唔認,仲大條道理鬧記者:「斷章取義、時間會證明一切」,點知轉頭即被雜誌影到兩人在上海當街啜爆,斷正之下無綫惟有急急將馬賽放入雪櫃,過一過冷河。

情敵狂爆大鑊

前途分分鐘玩完,龜縮馬賽惟有拉埋阿媽跪求樂易玲解凍,最終獲安排於東華復工,點知就在上週六東華演出前幾日,馬賽再被雜誌踢爆雪藏期間,孖住汪子琦去新加坡豪賭,馬賽更獲汪提供每月 20萬家用。馬賽於上週五即東華演出前一晚,以弱者形象現身博洗底,更唔敢正面認攣情,「我嘅行為任性令家人擔心,我哋(汪子琦)曾經係好好朋友,𠵱家所有嘢結束咗。」

呢頭博完同情,翌日情敵 Laura即在報章踢爆馬賽大話連篇,雪藏期間便跟汪子琦及馬母三人行去東南亞遊山玩水,馬母更揸機影二人的同性咀相,畫面嘔心,報道更指馬曾要求汪將名下價值 2千多萬的半山物業轉到自己名下。𠵱家同汪子琦斬纜,冇咗條大水喉的馬賽決定食回頭草,翻兜「富二代前男友」。

形象插水,樂易玲安排馬賽上《東張西望》喊曬扮可憐,不過網友唔領情,狂鬧佢虛偽。電視圖片

馬賽上月同辣媽帶狗狗出街,當時已黐埋 TB汪,行頭富貴,手挽過萬元 Prada袋。

富二代前度黑面

為增加翻撻成功機會,馬賽辣媽早前接受訪問時刻意放風,話女兒有個富二代男友,一定唔會搞 les。據知馬賽媽口中的富二代,正正係馬賽中學同學、有「東莞李嘉誠」之子之稱、家族有百億資產的鼎峰集團主席之子簡建鋒。

上週五( 6日),本刊到鼎峰集團搵到簡建鋒,年約廿多歲的簡建鋒最初表現友善,但當聽到記者提起馬賽及遞上馬汪啜爆相時,簡一看見馬汪親熱相即眉頭一皺,隨即變臉話:「我冇嘢講!」便轉身離開,記者再問簡近來有冇同馬賽聯絡,簡繼續黑面唔想回應,「我唔接受訪問!」

本週一,汪子琦再在微博數爆馬賽,更以「不要再用謊言去掩蓋你之前的謊言……」暗寸對方,𠵱家唔好話要氹番前男友,要喺娛圈起死回生,一定難過由直變攣喎。

埋身追訪 6/12

記者於東莞採訪當日,簡建鋒於辦公室拿著保溫水壺騰來騰去顯得非常忙碌。當他聽到關於馬賽的問題,即神色凝重。

即走

簡建鋒看過馬賽及汪子琦的親熱相後,即表示不想接受訪問,然後一支箭衝入電梯,搭𨋢落會議室開會。

百億太子爺

簡建鋒家族創辦的鼎峰集團,總部(小圖)位於東莞南城區,主要從事地產投資,在當地擁有多個大型屋苑,其中由簡建鋒負責的高檔樓盤「鼎峰源著」成為「 2014中國十大超級豪宅」之一,其家族資產超過一百億,馬賽真係走寶。

網上圖片

聯手「炸賽」

網上圖片

上月頭流出馬賽同內地有米製片人汪子琦及富婆 Laura同遊歐洲,後來有指汪同 Laura先係一對,正當以為誤會一場之際,原來馬賽真係撬人牆腳,仲同汪遊山玩水當街啜爆,打風打唔甩。點知唔夠兩個月,馬賽為前途自保寧願斬纜,搞到汪子琦同 Laura聯手反擊,開口炸「賽」!

9/12

汪子琦終忍唔住於微博開名鬧馬賽機關算盡,又希望佢唔好再講大話逃避,更暗示馬賽唔好再扮嘢。

7/12

馬賽被爆雪藏期間跟母親及汪子琦三人行到新加坡及越南等地遊山玩水,同時 Laura大爆馬母幫女揸機影女兒同汪子琦啜爆相。

5/12

爆出攣情後,馬賽即被 TVB雪藏,上月被雪期間卻被讀者於新加坡賭場影到豪賭。又有傳佢每月收汪子琦 20萬家用,再氹汪將半山 2千萬物業轉名。

而慘被背叛的 Laura,上月尾來港出席名牌活動時提起馬賽要汪子琦畀 20萬家用時繼續發炮,「食火雞都唔使咁貴!」

《蘋果日報》圖片

10/11

被週刊踢爆踢走富婆 Laura坐正,馬賽雖然唔蒲頭,但仍在微博曬幸福,當時未被踢爆講大話的她仲識笑,又同汪一齊用旅行相做微博頭像,更在微博大發慈悲論。

網上圖片



鍾意就快D Share啦!