搜機控
李彩華執相要緊
近年轉戰內地搵人仔嘅李彩華（ Rain），成日喺網上同中港兩地嘅 fans互動，當然要配埋靚相分享近況。阿 Rain同好多女仔一樣，手機離不開美圖 app，執靚個樣見人。除咗街知巷聞嘅「美圖秀秀」 app，佢早輪仲發現咗個「美妝秀」 app，只要㩒幾個掣，素顏都可以變濃妝。所以話世上無醜嘅女人照片，只因有咗新科技。
電子補妝
Rain放相上網前，多數會將啲相喺「美妝秀」 app加工。「我通常收咗工之後，就會即刻落妝，但有時突然想影相，又冇理由化番成個妝㗎！咪靠呢個 app幫手。加少少胭脂、眼睫毛，睇起嚟都精神啲。但記住個唇唔好咁重手，唔係嘴都厚埋好古怪。」
發聲聖經
去年尾受浸成為基督徒嘅 Rain，手機內有 5個聖經 apps，佢最常用都係可以發聲嘅「 HOLY BIBLE」。「我每日都有睇聖經嘅習慣，呢個 app好方便，我有時太攰冇精神睇，都可以一按發聲播出嚟。」
|
鍾意就快D Share啦！
|
|
|