掃呢頁CODE去手機

2014年1月2日 星期四

[壹週刊 1243] 透乳謝安琪 嚇親 Eason Eason,謝安琪,BKD_S,陳奕迅,M1,




救兵到

見到自己隔籬嗰個係謝安琪, Eason當堂冇曬表情,好在新城台長銳哥夠醒目,攝埋去企中間做電燈膽。

同你吟一吟

透乳謝安琪 嚇親 Eason

樂壇第一張成績表《新城勁爆頒獎禮 2013》,上個禮拜四(十二月二十六日)響 Boxing Day舉行。一晚裡面分咗 145個獎項,淨係「勁爆歌曲獎」都 20首,名副其實太公分豬肉,人人有份。

邊個攞咩獎其次,重點係新城除咗出名獎多,鍾意擺藝人上枱同樣係佢哋風格。當晚除咗借啲意逼許志安公開交代婚訊,連 N年前傳過緋聞嘅陳奕迅謝安琪都唔放過。

當所有歌手上台大合照,唔知邊個咁大整蠱,安排 Eason同當晚透視胸打扮嘅謝安琪排排企,好在台長朱明銳醒目,上到台夾硬攝響兩個中間,淡化尷尬場面。

謝安琪曬胸,本來唔足以令 Eason周身唔自在,事關佢見到更加低胸嘅 Kary吳雨霏,冇尷尬之餘,仲學對方披西裝褸、擺埋同一個甫士影相。純粹對人不對事,同謝安琪嘅陳年緋聞,原來 Eason到而家仲未有抗體,依然會嚇親。

大外檔

去到慶功宴影合照, Eason自己走位,由中間位閃去大外檔,避開謝安琪、黐實陳奐仁。

Chok到歪

林峯唔係唱緊《 Chok》,係佢另一首入選「勁爆歌曲獎」作品《 Nice》。唔識唱?唔緊要,睇佢表演 chok到眼耳口下巴歪曬,都好夠娛樂性。

淩晨上台

憑《紙牌屋》攞到「全球勁爆歌曲」嘅李克勤,壓軸上台領獎時已經淩晨十二點有多,台下觀眾走得八八九九,克勤都忍唔住話:「夜嘞!不如唱歌啦!」連多謝說話都只係講得兩句!

胸成計

謝安琪盡騷見唔到盡頭嘅事業線,但 Eason比較欣賞「建築面積同實用面積」唔成正比嘅 Kary,仲學對方披西裝褸擺女人甫士合照。

夠薑新人

做新人,想人識你,最緊要厚面皮,正如呢班九人女子組合 Super Gear,當一眾歌手影大合照, Eason都要企最後排,佢哋居然夠膽著短裙企最前,堅!



鍾意就快D Share啦!