掃呢頁CODE去手機

2014年1月2日 星期四

[壹週刊 1243] 蘇永康 虎上身 蘇永康,M1,




全身老虎紋打扮嘅蘇永康,去完麼鳳買嘢,單手插住褲袋行 catwalk走埋《壹》仔身邊,話要請食腰果同檸檬茶,真客氣!

同你吟一吟

蘇永康 虎上身

呢排天氣凍到冇朋友,但身為 fashion人嘅蘇永康,再凍都要著得有型有款,最緊要出位!上個禮拜五(十二月二十七日),《壹》仔響銅鑼灣撞到蘇永康同女友 Anita睇完眼鏡再去麼鳳買鹹濕嘢食。是日潮康打扮由厚褸到長褲,全部都印有老虎紋圖案,加埋副白框黑超,就算置身人來人往嘅銅鑼灣,依然一眼見到佢。

買完鹹濕嘢,蘇永康攞住包腰果同檸檬茶走埋《壹》仔身邊:「拍硬檔,等陣唔好跟,我有啲嘢搞!」

其實《壹》仔都想做「順得人」,點知轉個頭又喺利園撞番蘇永康,原來佢口中所謂「有啲嘢搞」,其實係去 Joyce睇衫,店員仲好好服侍,捧咗成大堆新衫俾超級 VIP過目。

又見到《壹》仔,蘇永康劈頭第一句:「又話唔跟?」大佬呀!銅鑼灣話大唔大,《壹》仔行咇,來來去去都係嗰幾個點,你都係去買衫啫,又唔係陪你老友許志安鄭秀文買婚紗。

女友 Anita全程陪住蘇永康睇衫,做跟得女友。

超級 VIP駕到,女店員攞咗成堆衫俾蘇永康過目。

買到熟曬,蘇永康臨走前同店員揮手 say bye,之後再對住鏡頭打招呼。



鍾意就快D Share啦!