掃呢頁CODE去手機

2014年1月2日 星期四

[壹週刊 1243] 食為先  PSY荃灣篤魚蛋 PSY,M1,




探熱針

食為先  PSY荃灣篤魚蛋

去年憑一首《江南 Style》熱爆全球的韓國大叔 PSY,即使馬舞熱潮減退,但有 YouTube點擊率累積十七億做後盾,無阻 PSY繼續財路暢通。十一月在香港拍廣告,十二月中又 encore! PSY收工路經荃灣路德圍忍唔住跳車,在黑人保鑣護駕下,掃街篤魚蛋。

黑人保鑣擋駕

早前在台上自嘲可能要花多十年時間,才能製作多一首好似《江南 Style》般大熱作品的 PSY,雖然無以為繼,但財來自有方,即使要應付首爾的聖誕個唱,仍唧出檔期,飛香港拍廣告。

拍完廣告, PSY馬不停蹄飛車到機場,搭機趕返韓國,但皇帝唔急太監急,往機場路上, PSY路經荃灣路德圍,見到一街熟食檔,大叔竟然要求停車,要落車掃街。

「佢( PSY)一落車就即刻跑住咁衝去幫襯賣魚蛋燒賣嘅熟食檔,買完企喺街就食,陪埋佢落車嘅黑人保鑣見愈來愈多人行埋去,有啲仲用相機影相,即刻用手遮鏡頭。 PSY應該唔係咁想俾人見佢當街篤魚蛋個樣,所以吞咗兩粒,就將食淨嘅俾保鑣拎住,轉身行返上七人車,其間有幾個人死跟住要同佢合照, PSY最後都叫保鑣行開,企定定同 fans影咗幾張相。」目擊者說。

PSY幫襯的小食檔,經常排長龍。

猴擒食

避鏡頭

吞咗兩粒後,見有人影相,他將成兜魚蛋遞給保鑣保管。

食完魚蛋, PSY即飛首爾開騷,在台上穿著大紅又唱又跳,他更將 Big Bang的 G Dragon爆呔相放微博公諸同好。

私人飛機候命

PSY的確十萬火急,事關當晚八點(香港時間七點)他便要在首爾開個唱,但三點仍然人在香港,即使搭私人飛機,扣除三個半鐘機程,幾乎一落機就要「劈」去場館,裝身

出場。

「十一月嗰次佢喺香港拍廣告都係咁趕,又係一落機就去開工,拍完最後一個 shot就搭私人飛機走, PSY鍾意食,嗰次都安排咗,不過佢實在冇時間,今次佢就連十蚊五粒嘅辣魚蛋都唔放過,點都要試嚇!」知情者說。

繼《江南 Style》後, PSY推出另一首新歌《 Gentleman》,不過未有《江南》大爆,他亦自嘲可能要等多

十年。

11月, PSY來香港拍錢國偉執導的耳筒廣告,當時也有黑人保鑣護駕,不過未有出鏡。

《江南 Style》大熱後, PSY最常著這套招牌藍色西裝周圍走宣傳跳馬舞。

去年飛澳門做 show, PSY也有韓籍保鑣(左)護住出記者會。

啱食

香港街頭小吃多花款,魚蛋燒賣蛋撻奶茶是遊客必吃,就算由細食到大的香港人,就算有錢有面,一樣食極唔厭。

周潤發 五十年街檔

發哥周潤發喜愛平民化,去到邊食到邊,每次陪老婆返外家新加坡,必定幫襯在街邊擺檔五十多年的林伯食羅雜( Rojak),夠曬長情。

薛凱琪 通街篤魚蛋

為咗一碗辣魚蛋,薛凱琪可以踢拖素顏到人來人往的銅鑼灣掃街,仲要將魚蛋塞到一嘴都係,完全不顧儀態,難怪連韓國大叔 PSY來港都忍唔住篤番串。



鍾意就快D Share啦!