[壹週刊 1243] 周嘉玲知己知彼 周嘉玲,劉嘉玲,嘉玲,M1,

同你吟一吟

周嘉玲知己知彼

轉從商投資過百萬做童裝生意嘅周嘉玲，不時都會親自飛去歐洲入貨，又定時定候落赤柱以及銅鑼灣分店巡鋪，做老闆，湊女時間少之有少，更何況係陪媽咪。

要爭取時間做孝順女，周嘉玲索性叫埋媽咪落銅鑼灣巡鋪，其間佢不斷指手畫腳，吩咐店員整理店內貨品，至於剪咗個陸軍裝、一身型人打扮嘅嘉玲媽就坐埋一邊等。

搞掂自己間鋪後，兩母女行過隔籬，了解其他童裝品牌情況，知己知彼，嘉玲媽似乎有意見，細細聲同個女咬耳仔，兩母女馬上打道回鋪，周嘉玲再發揮老闆娘本色，叫店員重新調配店內貨品。

又係嘅，成個商場都賣童裝，試探完敵方軍情，發覺 plan A唔得，即刻轉 plan B，周嘉玲反應算快。

返到自己鋪頭，周嘉玲吩咐店員整理店內貨品，忙到氹氹轉。

兩母女大搖大擺行去隔籬鋪試探敵方軍情，入貨、睇鋪、做探子，全部一腳踢。

鍾意就快D Share啦！

下一篇 》