[壹週刊 1247] 樂此不疲 老公生日送大禮 白韻琹爆秘書幫拖鬧趕小三 M1,

探熱針

樂此不疲　老公生日送大禮　白韻琹爆秘書幫拖鬧趕小三

白韻琹跟謝偉俊（ Paul） 16年忘年婚姻常傳不穩， 09年白姐姐自爆有青島小三徐程程介入，去年十一月，白姐姐突然在自己的 facebook上載一篇鬧人狼心狗肺的文章，又埋怨老公沒有跟她行房，雙方再度陷於冷戰鬧離婚。唔夠三個月，兩公婆好番，白姐姐吹雞請朋友出席阿 Paul五十五歲生日宴，飲多兩杯後，更笑住爆秘書 Joyce幫拖，聯手將小三踢走，安樂曬。

其他影片

秘書幫拖

上週二（一月二十一日）晚，白韻琹安排飯局，慶祝老公謝偉俊五十五歲生日，壽星切完生日蛋糕後，飲多兩杯的白姐姐突然玩踢爆贈興。

當時席上有朋友語帶雙關問阿 Paul是否「有舊嘢」？而家係咪已經攞走咗？白姐姐即搶住答：「 Joyce（謝偉俊秘書）最清楚，佢吼阿 Paul打電話時，即刻寫（用阿 Paul手機 whatsapp）去鬧嗰個人（此時坐在阿 Paul身邊的秘書叫白姐姐唔好講，不過叫唔停），問佢做乜勾人老公咁無良……」

好番

白姐姐請朋友同阿 Paul慶祝生日，切蛋糕前，又作狀揸刀鋸老婆。

大爆秘書幫拖鬧走小三，白姐姐之後笑曬。

阿 Paul揸完刀又甩拳打白姐姐，真係打者愛也。

試探遊戲

白姐姐唔收口，一直拎住酒杯無反枱的阿 Paul笑住問秘書是否真有其事（鬧小三），其他朋友亦加入起哄：「第日打俾我，等我去捉姦掃場……」「不過我話佢（秘書）做乜去搞佢（阿 Paul）個電話， Joyce就怪我，話幫咗我仲要俾我話，真係冇良心。」白姐姐兜個圈讚秘書夠義氣。

唔瞅唔睬三個月，兩公婆終於言歸於好！白姐姐即場解畫：「世界上有句說話叫戲劇人生，當我踏出虎度門，就要做番呢場戲。（劇目係咪叫《大龍鳳》？）係《大劈棺》嘅第一章就啱。」

白姐姐口中的是京劇《大劈棺》，故事內容是莊子試妻，講人與人之間懷疑和背叛，白姐姐是否話中有話，一起廿年的阿 Paul應該最清楚。

自爆同阿 Paul可以隨時離婚，白姐姐答應上梁思浩的電視節目爆大鑊，點知最後又係幫阿 Paul講說話。

上曾華倩主持的《登登登對》接受訪問，白姐姐大爆跟阿 Paul冇性生活多年。

有指白姐姐不滿阿 Paul偷偷買樓，但事實二人經常孖住去睇樓掃貨。

耍花槍

白姐姐與謝偉俊歷年多次吵吵鬧鬧，外界已當成二人耍花槍，就算男方偷食罪大惡極，但女方擘大口鬧完又從輕發落，七張白姐姐，遊戲人生！

踢完又拆

09年謝偉俊被指透過電郵搭上「青島張茆」徐程程，更一度搬離與白姐姐的愛巢獨居。白姐姐主動向傳媒爆料，先發制人破壞老公玩網戀；又為鬧分手一事舉行記者會，指二人因律師樓事務有爭拗，謝偉俊才搬到柴灣自住，之後二人到澳洲玩復合之旅，鬧劇告一段落。

Fb發洩

去年 11月，白姐姐突然在 fb撰文，暗示被最親的人趕出公司，不得其門而入：「殘酷無情的你……有當我是有血有肉有感覺的人嗎？我出錢出力出時間全心全力扶持你創業……你太沒良心，我恨我相信一個狼心狗肺……」文章雖於數小時後刪除，但傳媒已經夠時間展開跟進，一如大家所料，站出來的白姐姐只護夫，不插夫。

鍾意就快D Share啦！

下一篇 》