掃呢頁CODE去手機

2014年1月28日 星期二

[壹週刊 1247] 送上門 放風嗌走 鄭融無人吼 鄭融,M1,




一二年底在九展開兩場演唱會,入座率只得三成,要靠團購和公司派飛填空櫈。

探熱針

送上門 放風嗌走 鄭融無人吼

一度吹脹的鄭融,匿埋減重後,即使冇 hit歌冇人氣,公司 Neway仍兌現承諾,去年底安排她在九龍灣展貿開了兩場演唱會,今年在「叱咤樂壇頒獎典禮」更奪兩獎,一改七年白果命運。與 Neway滿約在即,鄭融不單無感激公司,還四圍放風搵路走;可惜她拍門冇人應,攞嚟衰!

其他影片
商台解凍

○七年轉會 Neway星娛樂的鄭融,合約尚有不足一年便滿,但鄭融已經心急四出約相熟圈中人食飯,又放聲氣指公司做得不夠好,為搵新碼頭探溫。「聽到佢咁講,大家都𢱑曬頭, Neway幫鄭融 fight獎,蝕住都照幫佢開兩場演唱會,佢仲嫌三嫌四,大家都覺得佢好唔啱!」有份同鄭融食飯的唱片公司人員透露。

入行十年,出名難搞的鄭融吸金能力相對低,加上過去兩年驚人暴肥,人氣更跌至新低。

被公司勒令減肥後,鄭融去年尾如願開了兩場個唱,更憑住《非凡人生》在連續坐足七年冷板的「叱咤樂壇頒獎禮」奪兩獎。

「阿 Step(鄭之洋名)今年首歌同以前首唱到街知巷聞嘅《紅綠燈》根本差好遠,佢咁都攞到獎,證明佢公司出咗不少力。」

過去兩年頒獎禮無獎的鄭融,憑《非凡人生》在叱咤捧走兩個獎。

一一年 Paco年代的 Neway成功入紙為鄭融開演唱會,但因為減肥失敗,檔期最後轉讓給新加盟的關心妍。

黃柏高落閘

一一年, Neway為鄭融爭到紅館檔期開演唱會,又為她安排健身和纖體公司修身,但鄭融繼續放縱,即使公司出警告信,她亦一於少理,結果 Neway臨時臨急,將紅館檔期改由當時新轉會的關心妍頂上。

「嗰陣鄭融認為自己就算肥,開騷都無問題,覺得係公司搵藉口唔俾佢開騷,嗰段時間大家關係好差,直頭唔聯絡!」一名星娛樂工作人員說。

玩大咗的鄭融之後的起心肝減肥,公司去年底兌現承諾,在九展為她開了兩場演唱會,但實際去飛三成,其他吉位要靠派飛填滿。

眼見同期出道的好姊妹薛凱琪由華納跳去太陽城娛樂做一姐,鄭融亦周圍拍門問路;可惜,積極招兵買馬的黃柏高卻落曬閘。

「我哋同 Neway係友好公司,唔會互相挖角,諗都未諗過。」黃柏高說。

同鄭融同期出道的薛凱琪,去年已在紅館開演唱會,穩坐唱片公司一姐寶座。

平日鄭融甚少出席商業搵錢活動,證明幕後都出唔少力,但她依然有離心。旁為苟芸慧。

過去兩年失控暴肥的鄭融,巨躉粗腿好嚇人。

一向戀愛大過天,新任男友是昔日中學同學的鄭融,早前承認兩人正在同居中。

自作自受

性格影響命運! 29歲的鄭融入行 10年,人唔紅, hit歌又有限,更因經常失控多次被公司雪藏,撈唔起,純粹自作自受。

爆粗辱主持

11年,在活動被無綫娛樂新聞台女主持黃曉明問感情生活,做完訪問鄭融擰轉背即以口形爆粗:「×你老母」,無綫盛怒立即發出封殺令,最後鄭融要親自發短訊向黃曉明道歉。

身形暴脹

10年,唱片監製男友莊冬昕被鍾欣童撬長腳後,鄭融失控暴飲暴食,身形暴脹,被公司下令減肥兼停止所有工作;其間,她因為拒絕出席莊冬昕加盟 Neway的派對,一度遭公司雪藏。

煲煙斷正

身為煙民的鄭融, 05年被公司警告要注意形象及拍拖低調後,高調承諾戒煙, 07年被拍到與前男友劉浩龍同在車廂煲煙,鄭融再公開戒煙決心,但之後又被影到夜蒲扯煙,總之意見接受,態度照舊。



鍾意就快D Share啦!