全城熱爆的娛樂八封新聞 & 時事趣聞 & 生活 + 趣聞
事發當晚，葉翠翠響醫院留咗二十分鐘就走，估唔到係最後一面，第二日佢雖然堅持開工，但傷痛難掩。
星期日（九日）晚，八珍揸住錢八行觀塘繞道出九龍，見到葉翠翠一個人揸住車，左 cut右 cut唔知趕住去邊，到第二日先知，原來佢趕住去醫院，見佢媽咪最後一面。
面對喪母之痛，星期一（十日）葉翠翠照開工，返無綫做宣傳活動，但講唔夠兩句就忍唔住喊，話媽咪兩星期前入院，手術後出現併發症，媽咪臨走當晚，心臟一度停頓，但當葉翠翠趕到去醫院又冇事，諗住可以放心返公司繼續開工，點知轉個頭媽咪就走咗。八珍記得葉母長期被腎病困擾，從好一方面諗，葉翠翠節哀！
為新節目進行宣傳，葉翠翠努力強顏歡笑。
葉母長年俾腎病折磨，葉翠翠一直努力搵錢儲醫藥費。旁為葉父。
