網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月26日 星期三

心悠BB嘆茶變身林亞珍




心悠BB嘆茶變身林亞珍



■戴住膠框眼鏡兼頭髮蓬鬆嘅心悠BB似足林亞珍(小圖)咁,冇曬女神風采。

【中環】被暱稱做心悠BB嘅劉心悠,一直高踞高登女神排行榜頭幾位,不過32歲嘅佢早前去中環飲下午茶嘅look就有啲令人失望。當日大概下晝兩點幾,戴住副膠框眼鏡、頭髮睇起嚟有啲蓬鬆嘅心悠BB,望落似林亞珍多過似女神,佢同兩位男性友人去咗中環嘅置地廣場嘆下午茶。其間心悠一直動作多多,同坐對面嘅男人講個唔停,反而另一位戴眼鏡貌似經紀嘅男子就喺度齋聽。



■同兩位男性朋友傾到唔停嘅心悠BB似乎心情極靚。

狂電餐廳經理

餐茶飲咗成個鐘,到埋單時心悠仲主動攞咗500蚊出嚟畀錢,嗰日佢心情極靚,對住負責收錢位男經理都唔放過,點都要傾多幾句。畀錢後仲好抵死咁拉住張單,望住位男經理好似唔想畀人哋走咁,不過位經理不為所動。之後佢哋行到廣場大堂,心悠同兩位男士分道揚鑣,臨走時位四眼男仲遞上卡片畀心悠。

冇人陪嘅心悠跟住就去咗就近嘅渣打銀行,入行多年已經係圈中小富婆嘅佢當然就係銀行嘅特選客戶啦,佢前後喺銀行逗留咗成半個鐘。當心悠行出門口見到成班記者喺度等佢嘅時候,起先都有啲愕然,不過當有記者問到佢係咪買樓嘅時候,佢就笑笑口冇答,最後上咗一幢商業大廈。

採訪、攝影:潘冠恩



■心悠BB連餐廳經理都唔放過,畀錢時拉住人傾偈。



鍾意就快D Share啦!